Jasırınbaq

Jasırınbaq – balalar oyını.

Oyınnıń maqseti

Balalardı ziyreklikke, shaqqanlıqqa, jaǵdayǵa qarap is tutıwǵa úyretiw.

Oyınnıń barısı

Oyın jolı menen 1,2,3,4,5,6,7 «ketti» dep baslanadı. «Ketti» sózi qaysı balaǵa tuwrı kelse, sol bala kózlerin jumıp turadı. Qalǵan oyınshılar bolsa, túrli táreplerge jasırınadı (Terek artına, shuqırlarǵa). «Jatqan» bala, yaǵnıy kózi jumıq bala kózin ashpay turıp, “boldı ma”, “boldı ma” dep soraydı. Jasırınǵan balalardıń birewi “boldı” dep juwap beredi. Sonnan keyin ol jasırınǵan balalardı izlep ketedi. Sol waqıtta balalar bir-birin panalap juwıradı. Jatqan bala olardı quwadı. Eger jasırınǵan oyınshılardan birewi, shetke burin jetip kelse “jettim” dep baqıradı. Eger jasırınǵan balaǵa jetip alıp qolın tiygizse, “qol tiydi, tuttım” dep toqtaydı. Aqırı uslanǵan bala shekke jetedi, yaǵnıy kózin jumıp turadı. Eger quwǵan bala jasırınǵan oyınshılardıń birde birewin tuta almasa onda jáne jatadı.

Oyın qaǵıydası

Oyın baqshada da, úyde de oynawǵa arnalǵan. Bunda balalardıń ózlerine erkinlik berilgen, tárbiyashı bolsa baqlap baradı. Eger oyın kóshede oynalsa, mashinalar kem háreket etetuǵın jerde alıp barıladı. Eger jasırınǵan balalar “boldı ma” degen sorawǵa “boldı” dep juwap berse, jatqan bala 1,2,3,4,5,6,7 “ketti” dep izley baslaydı.

Ádebiyatlar

• Миллий балалар ойынлары / Пердебай Шылманов -Нөкис .: «Қарақалпақстан» баспасы , 1996. -36 бет .