Jumırtaw
Jumırtaw - meridian baǵıtta, Ámiwdáryanıń sol jaǵasında jaylasqan. Ol geologiyalıq dúzilisiniń uqsaslıǵı hám jer astındaǵı fundamentiniń bir tutaslıǵı boyınsha Sultan Wáyis tawınıń ajıralmas bir bólegi. Olar bir-birinen Ámiwdáryanıń házirgi ańǵarı boyınsha ajıraladı. Jumırtawdıń eń bálent tóbesi átirapındaǵı Ámiwdárya deltası jer betinen 70 metr joqarıda jaylasqan.
Jumırtaw geomorfologiyalıq kóz-qarastan kishigirim kólemdegi qaldıq taw bolıp esaplanadı. Ol keńlik boyınsha 1 km, ge, al meridian baǵıtta 3 km. ge sozılǵan. Teńiz betinen biyikligi 150-170 m, ústi kútá juqa delyuvial shógindileri menen jabılǵan. Janbawırlarda samallar alıp kelgen shógindilerden quralǵan qum dizbekleri bar.
Derek
[redaktorlaw | derekti redaktorlaw]- Saypov A., Ataniyazova Q., Esenova I., Dawletbaev A. Qaraqalpaqstan tábiyiy geografiyası páni oqıtıwshılar ushın metodikalıq qollanba. -Nókis, 2022.