Jumabay Tashenov
| Tuwılǵan sánesi | 15-dekabr 1925 |
|---|---|
| Qaytıs bolǵan sánesi | 1994 |
| Kásibi | shayır, jazıwshı |
Jumabay Tashenov (qazaqsha: Жұмабай Тәшенов) (1925-jıl 15-dekabr, Torǵay, SSSR – 1994-jıl) – qaraqalpaq hám qazaq jazıwshısı, awdarmashı, shayır, dramaturg hám ssenariy jazıwshı. Bir qansha mámleketler sıylıqlarınıń iyesi.
Biografiyası[redaktorlaw | derekti jańalaw]
1925-jıl 15-dekabrda Qaraqalpsaqtan ASSR,Torǵayda tuwılǵan[1].
1942-jılda urıs baslanıwı múnásibeti menen armiya qatarına qosılǵan hám pútkil urıs dawamında Berlinǵa shekem bolǵan joldı basıp ótken, eki orden menen sıylıqlanǵan[2]..
Demobilizaciyadan soń Ózbekstan SSR Kompartiyası Oraylıq Komiteti janındaǵı partiya mektebine oqıwǵa kirip, 1950-jılda pitkergen. 1950-jılda Nizamiy atındaǵı Tashkent pedagogikalıq institutınıń táriyx fakultetine oqıwǵa kirip, onı eksternatura boyınsha tamamlaǵan hám Ózbekstan SSR Pánler akademiyası aspiranturasına oqıwǵa kiredi. 1945—1947-jıllar dawamında aspiranturada oqıp, Qaraqalpaqstan SP dramaturgiya sekciyasına basshılıq etken.
1947-jılda "Qızıl Qaraqalpaqstan" gazetası hám “Ámiwdárya" jurnalı redakciyasına jumısqa kirip, jazıwshı retinde dáslepki iskerligin baslaǵan. Bul jurnallar 1961-jılǵa shekem baspadan shıqqan. 1961-jılda " Qazaqfilm" kinostudiyası quramına qabıl etilip, redaktor -máslahátshi lawazımında iskerlik júrgizgen.
Tashenov poeziyalıq toplamları, gúrrińler hám romanların baspadan shıǵarǵan, rus eski hám sovet ádebiyatı shıǵarmaların qaraqalpaq hám qazaq tillerine awdarmalaǵan. Qaraqalpaq ádebiyatı rawajına qosqan úlken úlesi múnásibeti menen Jumabay Tashenov húkimetiniń bir qatar maqtaw jarlıqları menen sıylıqlanǵan.
Qaraqalpaq tilindegi shıǵarmalarınan eń belgilisi „Quraldas doslar“ qıssası esaplanadı. Bir qatar scenariylar hám piesalar avtorı. Ol scenariylardı birinshi náwbette, Igor Savvin menen birge jazǵan.