K (latın)
K háribi tiykarınan jińishke dawıslılar menen bir buwında kelip, sózlerdiń barlıq orınlarında aytıladı hám jazıladı: kóz, kók, kún, kásip, kitap, kúlki, kórkem, kiyik, keme, keli-kelsap, kiyim, kán, kámal, kran, kólik, kórik, kiyiz, keklik, ilik t.b. Sonday-aq, jekke-siyrek karta, kompas, kareta, kran, kabel, kafe sıyaqlı sózlerde juwan dawıslılar menen de bir buwında jumsaladı.[1]
1. Qaraqalpaq álipbesiniń on tórtinshi háribi (kirilde) hám sol háriptiń jazılıw (grafikalıq) tańbası. K, k háripleri sózlerdiń basında, ortasında hám aqırında da jazıla beredi. 2. Tildiń ortası tańlaydıń ortasına tiyiw, jabısıw arqalı jasalatuǵın únsiz dawıssız ses – fonema. Bular únli-únsiz bolıp jubaylasıp júredi: p – b, t – d, f – v, k – g, q - ǵ (QQTS).[2]