Kofe

Kofe-arabsha sóz bolıp, kofe terekleriniń quwırılǵan dáninen tayarlanıwshı, keń tarqalǵan ishimlik. Kofeniń kelip shıǵıw tarıyxı dáslep IX ásirde Efiopiyada baslanǵan.Efiopiyadan ol Mısır hám Yamanǵa,soń XV ásirde Iran hám de Túrkiyaǵa tarqaladı.Musılman mámleketlerinen kofe Italyaǵa,ol jerden bolsa Yevropanıń basqa mámleketleri hám Amerikaǵa jayıladı.

Kofe tereginiń Coffea canephora hám Coffea arabica  túrleri egiledi.Kofe dánleri teriledi,ajıratıp alınadı hám keptiriledi.Keyin bolsa 200 C dárejede quwırıladı,bunda dánlerdegi uglevodar qoyıwlasadı,reń ózgeredi hám dámi payda boladı.

Kofe pútkil dúnyada satılıwı boyınsha neftten keyin ekinshi orında turadı.