Legenda

Legenda – tariyxqa baylanıslı ertek-a’n’gimeler. Xalıqtın’, jerdin’ tariyxına, ja’ne tariyxta bolg’an ayırım adamlardın’ tariyxına baylanıslı awız eki aytılg’an ertek so’zler qaraqalpaq xalqında og’ada ko’p. Mısalı: Gu’ldirsin haqqında, Sultanı shanjar haqqında, To’ktin’ tawı haqqında, Aydos biy, Ernazar biy, Erejep tentek haqqında legendalar h.t.b.

Xalıq awzındag’I aytılıp ju’rgen legendalar tek ertek bolıp so’ylenip g’ana qoymay, tariyxıy waqıyalar ha’m shın bolg’an waqıyanın’ do’gereginde aytıladı. Mısalı: xalıq qaraqalpaq legendalarında Aydos biydı jamanlaydı. Ernazar alako’zdi (Ernazar qoldawlını) maqtaydı, shınında da tariyxıy dokymentlerde qaraqalpaqlardın’ o’tken tariyxıy o’mirinde Aydos biy unamsız, al Ernazar unamlı rol atqarg’an. Haqıyqatında da xalıq legendaları xalqımızdın’ o’tken o’mirinde bolıp o’tken tariyxıy waqıyalardı izertlewge, biliwge u’lken ja’rdemshi mag’lıwmat beredi.

Ádebiyatlar

1. Q. Ayimbetov. Xalıq danalıǵı. Nókis: “Qaraqalpaqstan” baspası, 1968, - 297-b.