Mámleket krediti

Kredit (lat. creditium – ssuda) – pul yaki tovarlardı, ádette, procentler tólep, qaytarıw shárti menen beriw bolıp,kreditor menen qarız alıwshı arasındaǵı ekonomikalıq qatnasıqlardı ańlatadı.

Kredit summası bul qarızǵa beriletuǵın pul birliginiń kólemi.

Mámleket krediti– mámleket tárepinen eldiń sociallıq-ekonomikalıq rawajlanıwınıń eń áhmiyetli máseleleri hám byudjet jetispewshiligin qaplaw ushın zárúr qosımsha finanslıq resurslardı qaratıw maqsetinde yuridikalıq hám fizikalıq shaxslardıń bos turǵan pul qarjıların qaytarıw, múddetlilik, ǵárezlilik, ıqtıyarlılıq principlerine tiykarınan tartıw boyınsha finans huqıqı menen tártipke salınatuǵın qatnasıqlar.

Kredit mexanizmi — kredit qatnasıqların dúziwde qollanılatuǵın elementler kompleksi.

Kredit obyekti – waqtınsha bos turǵan, beriliwi múmkin bolǵan pullar hám tovarlar.

Kredit subyektleri – hár qıylı bolıwı múmkin. Bularǵa kárxana, firma, shólkem, mámleket hám túrli taypadaǵı xalıq kiredi.

Mámleket qarızı – Ózbekstan Respublikasınıń ishki hám sırtqı qarjılardı tartıw nátiyjesinde payda bolǵan minnetlemeleri.