Maxset Xojaniyazov

Maxset Saparovich Xojaniyazov (1947-jıl 4-aprel, Nókis) — opera qosıqshısı. Ózbekstan (1993), Qaraqalpaqstan (1980), Tatarıstan (1981) xalıq artisti. Tashkent konservatoriyasin tamamlaǵan (1972). 1972-1974-jıllarda Nawayı teatrında, 1974-jıldan Qaraqalpaq mámleketlik muzikalı drama hám komediya teatrında jeke atqarıwshı qosıqshı, házirgi waqıtta bolsa Nókis muzika bilim jurtında oqıtıwshı bolıp isleydi. Opera saxnasında Primbiy (N. Muhammaddinov, "Ájiniyaz"), Gremin (P. Chaykovskiy, "Yevgeniy Onegin"), Kdri lóli (S. Raxmaninov, "Aleko") sıyaqlı partiyalardı atqarǵan. Konsert repertuarınan qaraqalpaq (T. Esirkenovtıń "Ózbekstanım"), ózbek (H. Rahimovtıń "Súyikli yar", T. Sadiqovtıń "Janan kóriner") hám shet el kompozitorları (Brams, Betxoven, Verdi hám basqalar)dıń romans, qosıq hám ariyaları, sonday-aq, qaraqalpaq xalıq kóshikleri ("Bozataw", "Jetiasırım") orın alǵan. Regionlıq (Tashkent, 1972) hám xalıqaralıq (Tashkent, 1977; Rio de Janeyro, 1979) tańlawlardıń laureatı. Berdaq atındaǵı Qaraqalpaqstan mámleketlik sıylıǵı laureatı (1983).