Kontentke ótiw

Michael Jordan

Wikipedia, erkin enciklopediya
Tuwılǵan sánesi17-fevral 1963(1963-02-17)[1] (61 jasta)
KásibiBasketbolshı

Michael Jeffrey Jordan (1963-jıl 17-fevralda tuwılǵan) - amerikalıq burınǵı professional basketbolshı hám National Basketball Association (NBA) Charlotte Hornetstıń tiykarǵı iyesi[2]. Tariyxtaǵı eń jaqsı basketbolshı (ESPN qániygeleri tárepinen)[3]. Ol hújimshi-qorǵawshı ornında oynaǵan. Jordan 1980 hám 1990-jıllarda basketbol hám NBAnı dúnya boylap ǵalabalastırıwda áhmiyetli rol oynaǵan[4]. Eki márte Olimpiya chempioni bolǵan.

Arqa Karolina universiteti toparında (1982-1984) karyerasın baslaǵannan keyin, ol 1982-jılǵı NCAA chempionatında jeńimpaz boldı, Jordan 1984-jılda «Chicago Bulls» toparına qosıldı. Ájayıp sekiriw  qábileti ushın Maykl «Air Jordon»  (ingl. Air Jordan) hám «His Airness»  (ingl. His Airness) laqabların alǵan. Sonıń menen birge, ol basketbol tariyxındaǵı eń jaqsı qorǵawshılardan biri esaplanadı[5]. 1991-jılda ol «Chicago Bulls» penen birinshi NBA chempionlıǵın qolǵa kirgizdi, 1992 hám 1993-jıllarda bul jetiskenlikti tákirarladı. 1993-94-jılǵı máwsim basında ákesi dúnyadan ótkennen keyin, Jordan kútilmegende basketboldan ketti hám beysbol sport túrinde tabıslı nátiyjelerge erisiwge háreket etti. 1995-jılda ol basketbolǵa qaytıp, «Chicago Bulls» qa taǵı úsh tituldı (1996, 1997 hám 1998) qolǵa kirgiziwge járdem berdi, sonday-aq topar menen birge úzliksiz máwsim dawamında utqan oyınlar sanı boyınsha NBA rekordın ornattı 72 jeńis (1995-96-jılǵı máwsim). Jordan ekinshi márte 1999-jılda karyerasın juwmaqladı, biraq 2001-jılda taǵı eki máwsimge «Vashington Uizards» oyınshısı retinde qayttı.

1984-jılda Michael Jordan ushın Air Jordan krossovkaların islep shıqqan Nike firması menen reklama shártnamasın dúzdi. Joybar sol dárejede tabıslı boldı, keyinirek Air Jordan ǵárezsiz brendge aylandı. Jordan «Space Jam» (1996 ) kórkem filminde oynaǵan. Keyin ala Oakley Inc kompaniyasınıń basqarıw quramına kirdi. Házirde ol «Sharlott Xornets» klubınıń tiykarǵı iyesi, sonıń menen birge basketbol operatsiyaları boyınsha basshısı esaplanadı. 2010-jıl fevral ayında tiykarǵı iyesi Robert L. Jonsondan topar akciyalarınıń qadaǵalaw paketin satıp alıw huqıqı boyınsha sawdalarda jeńimpaz shıqtı[6]. Solay etip, Maykl NBA klubına iyelik etken birinshi assocaciya oyınshısı boldı. Maykl Jordan birinshi milliarder sportshıǵa aylandı jáne onıń baylıǵı shama menen 1 milliard dollardı quraydı[7].

Forbes maǵlıwmatlarına qaraǵanda, Maykl Jordan tariyxdaǵı eń kóp is haqı alıwshı sportshı bolıp tabıladı. Eger onıń tapqan barlıq pulları 2017-jıl qunı boyınsha dollarǵa aylandırsa, 1,85 milliard dollar boladı. Mıynet haqı hám kóplegen sıylıqlardan tısqarı, Maykl Jordan reklama shártnamaları sebepli baylıǵınıń úlken bólegin alǵan[8].

Derekler[redaktorlaw | derekti redaktorlaw]

  1. (unspecified title)
  2. „jordan bio“. 24-yanvar 2012-jılda túp nusqadan arxivlendi. Qaraldı: 2-may 2024-jıl.
  3. „Майкл Джордан лучший игрок НБА — Леброн Джеймс второй | SYeGODNYa“. 22-fevral 2022-jılda túp nusqadan arxivlendi. Qaraldı: 2-may 2024-jıl.
  4. „Michael Jordan Biography“. 20-avgust 2012-jılda túp nusqadan arxivlendi. Qaraldı: 2-may 2024-jıl.
  5. Berkow I.. The New York Times, 15.06.1991. 
  6. „Майкл Джордан купил баскетбольный клуб“ (27-fevral 2010-jıl). 9-yanvar 2014-jılda túp nusqadan arxivlendi. Qaraldı: 2-may 2024-jıl.
  7. „Майкл Джордан стал первым спортсменом-миллиардером в списке Forbes“. 20-mart 2017-jılda túp nusqadan arxivlendi. Qaraldı: 2-may 2024-jıl.
  8. „Forbes составил рейтинг самых высокооплачиваемых спортсменов всех времен“. 21-iyun 2018-jılda túp nusqadan arxivlendi. Qaraldı: 2-may 2024-jıl.

Siltemeler[redaktorlaw | derekti redaktorlaw]