Motiv (psixologiyada)
Motiv (psixologiyada) — insan iskerliginde belgili bir maqsetti ámelge asırıwǵa sebep bolıwshı faktor. M. shaxstı háreketke hám iskerlikke keltiriwshi, mútájliktiń joqarı forması sıpatında payda bolıwshı ishki túrtki esaplanadı. Mútájlik hám instinkt, meyil hám tuyǵı, ideal hám basqa M.lar qatarına kiredi Házirgi zaman psixologiyasında M. ataması subyektti háreketke keltiriwshi túrli hádiyse hám jaǵdaylardı sáwlelendiriw ushın qollanıladı. Is-háreket hám iskerlik M.lerdiń kompleksi motivaciya delinedi. M. mútájlik tiykarında júzege keledi hám qáliplesedi. Mútájliktiń anıqlasıwı motivaciyanıń nátiyjeli qáliplesiwin támiyinleydi. Háreket iskerliktiń quramı bolǵanı sebepli ol iskerliktiń maqseti hám M.i arqalı basqarıladı..Ayrım jaǵdaylarda "M." túsinigin "emociya", "maqset", "ustanovka" atamalari menen almastırıw jaǵdayları ushıraydı. Geyde túrtki, qozǵawshı, úndewshi túsinikleri menen almastırıladı.