Muhammed Yusup
| Muxammed Yusuf | |
|---|---|
 | |
| Tuwılǵan sáne | 26-aprel 1954 |
| Tuwılǵan jeri | Ándijan wálayatı |
| Qaytıs bolǵan sáne | 29-iyul 2001 (47 jasta) |
| Qaytıs bolǵan jeri | Ellikqala, Qaraqalpaqstan |
Biografiyası
[redaktorlaw | derekti redaktorlaw]Ózbekstan xalıq shayırı Muhammed Yusup 1954-jılı Ándijan wálayatı Marhamat rayonındaǵı Qawınshı awılında tuwılǵan. Ol Tashkenttegi Rus tili hám ádebiyatı institutında bilim alǵan. Muhammed Yusup jámiyetshilikke talantlı lirik shayır sıpatında tanıldı.
Ol tań qalarlıq obrazlarǵa tolı poemalardıń avtorı edi.
Dóretiwshiligi
[redaktorlaw | derekti redaktorlaw]Shayır óziniń dóretiwshilik miynet jolında birqansha poeziyalıq toplamların shıǵardı. Atap aytqanda «Tanıs terekler» (1985), «Búlbilge bir gápim bar» (1989), «Ishqı kemesi» (1981), «Aspanıma alıp ketemen», «Ózińnen kúymesin xalqım» poeziyalıq kitapları, 2001 — 2002-jılları «Tańlamalı shıǵarmaları» jıynaǵı basılıp shıqtı.
Muhammed Yusup ózbek ádebiyatın rawajlandırıwdaǵı miynetleri ushın 1996-jılı «Doslıq» ordeni, 1998-jılı Ózbekistan xalıq shayırı húrmetli ataǵı menen sıylıqlandı.