Murap

Murap - mirab MURAP - Arna, japlardaǵı suwlardı bólistiriwshi, qazıwdı uyımlastırıwshı hám basqarıp, baqlap barıwshı hámeldar. Ayırım muraplardıń bul isler menen hesh qatnası bolmay, xızmet ornı joqarı bolǵanlıqtan xannıń basqa hár qıylı tapsırmaların orınlap kelgen, sol islerdi basqarǵan. Mısalı: TOǴAY MURAP, ÁWEZ MURAPlar usınday hár túrli xızmetlerdi basqarıp kelgen.

XIX ásirdiń II yarımında qaraqalpaqlarda XUDAYBERGEN, ÓTEP, XALNIYAZ, DOSIM, ABDISAHAT, ORAZ, ERMAN, SABIR, DÁWLETIYAR degen muraplar bolǵan. Qaraqalpaq [oń jaǵalıq] Rossiyaǵa qosılǵannan keyin bul hámeldi ARIQ AQSAQAL [VODNIY ChINOVNIK] dep júritken.

Dárekler:

M. Nızanov Qaraqalpaqlar