Muxabbatqa baylanıslı qosıqlar

Muxabbatqa baylanıslı qosıqlar - Qaraqalpaq xalıq qosıqlarınıń basım kópshiligi adamlardıń muxabbat sezimlerine arnalǵan qosıqlar quraydı.

Jaslar óziniń jaqsı kórgen, súygen qızlarına, qızlar jaqsı kórgen jigitlerine arnap qosıqlar dóretken. Bul qosıqlar burınnan dóretilip aytılıp keldi. Jańadan dórey beredi. Muxabbatqa arnalǵan qosıqlarda jaslardıń ıshqı muxabbatın, qosılıw haqqında oyları, ayralıq, opadarlıq, opasızlıq, qıyanet haqqında da pikirler boldı. Muxabbatqa arnalǵan xalıq qosıqlarında bárinen de burın eń sulıw, eń taza, eń tereń muxabbatqa mángi bolıw sóz etiledi.

XIX ásirdiń aqırında N.Dáwqaraevtıń kórsetiwinen, Xorezm xalıq poeziyasınıń tásirinde qaraqalpaqlar arasında muxabbatqa arnalǵan báytler keń taraldı. Sonıń menen birge xalıq arasında ashıq temasında arnalǵan jańa báytler dóredi:

Gózzalım há gózzalım,
Yúrıń baáda gózzalım,
Baǵıńızǵa suw túshipti,
Órdek bolıp yúzzellim t.b.

Sonday-aq aldıma nege tez-tez kelmeyseń dep ókpelegen qızǵa juwap:

Kók kene kepter emespen,
Kúnde-kúnde kelmegen,
Ayda, jılda bir kelippen
Aq júzindi kórmege