Nagoya

Nagoya (Yapon tilinde: 名古屋市, Nagoya-shi) Yaponiyani'n' u'lkenligi boyi'nsha u'shinshi qalasi'. Xonsyu atawi'nda, Ise qolti'g'i' qi'rg'ag'i'nda jaylasqan. Aichi prefekturasi'ni'n' paytaxti' bolg'an bul qalani'n' porti' Yaponiyani'n' Tokiyo, Osaka, Kobe, Yokogama, Chiba ha'm Hakatadag'i' u'lken portlari' menen ten'lesedi. Sol menen birge Yaponiyani'n' ushinshi u'lken metropoliteti Chuwkyou metropoliteni'ni'n' worayi'nda jaylasqan. 2000-i'nshi' ji'l statistika mag'li'wmatlari'na ko're Chuwkyou metropoliteni' 8.74 million xali'qqa iye bolg'an bolsa sonnan 2.17 millioni' Nagoya qalasi'nda jasag'an. Mashinasazli'qti'n' tu'rli bo'limleri (ma'selen, elektrotexnika, radioelektronika, kemesazli'q, avtomobilsazli'q ha'm basqalar), qara ha'm ren'li metallurgiya, neft ximiyasi' rawajlang'an. Toqi'mashi'li'q (ju'n ha'm jasama gezlemeler islep shıg'ari'w), azi'q-awqat, poligrafiya, farfor-keramika sanaati' ka'rxanalari' bar. Universitet, botanika bag'i', muzeyler, metropoliten bar. Arxitekturali'q yesteliklerden Acuta iyba'datxanasi' (mil. baslari'nda quri'lg'an), qashr (1612), Tofukudzi iyba'datxanası (735) saqlang'an.