Nankin

QARAQALPAQ WİKİPEDİASININ' MAG'LIWMATI
Jump to navigation Jump to search

Nankin (Qıtaysha Nanszin — qubla paytaxt) — Qıtaydın' shıg'ıs bo'legindegı qala. Szyansu provinsiyasının' administrativ orayı. Xalqı 5,3 mln. kishi (1998). Yanszi da'ryası to'mengi ag'ımındag'ı kerekli transport jolları tu'yini. Aeroport bar. Ten'iz kemeleri kire alatug'ın port. Ma'mleketdin' iri ekonomikalıq, ilimiy ha'm ma'deniy oraylarınan. Stanoksazlıq, elektr ha'm radio apparaturaları islep shıg'arıladı. avtomobilsazlıq ha'm awıl xojalıg'ı mashinasazlıg'ı, metallurgiya, ximiya, sement, toqımashılıq, azıq-awqat sanaatı ka'rxanaları, issıllıq elektr stansiyası bar. Qurılıs materialları islep shıg'arıladı. O'nermentshilik rawajlang'an.

Nankinda Qıtay FAning filiali, topraqshunaslıq ha'm geografiya institutları, u'niversitet ha'm basqa joqarı oqıw jurtları, kitapxana, muzeyler, botanika ha'm haywanat bag'ları, ra'satxana bar.

Nankinge mil. al. 472 jılda tiykar salıng'an. Tu'rli da'wirlerde qala atı ha'r tu'rli atalg'an. 1368—1421 jıllarda ma'mleket paytaxtı. 1421 — 1911 jıllarda Szyannan nayıplıgının' orayı. 1853—64 jıllarda Taypinler ma'mleketi paytaxtı. 1911 — 12 jıllarda Sun Yatsen baslıq Qıtay Respublikası hu'kimetinin' qarargahi. 1912 jıldan Szyansu provinitsiyasının' administrativ orayı. Administrativ ha'm tariyxiy esteliklerden "Imperator qalası" (14—15-a'sirler), qala diywalı (uz. 34 km), iba'datxanalar, baralar saqlang'an.[1]

Siltemeler[o'zgertiw | қайнарын өңдеу]

  1. Большое Собетская енциклопедия
Commons-logo.svg
Wikimedia Commons has media related to: