O (latın)
O háribi kóbinese túpkilikli sózlerdiń dáslepki buwınında, ózlestirme sózlerdiń basında, ortasında hám aqırında da aytıladı hám jazıladı: ol, oqıwshı, oraq, oramal, ot, otın, otaq, qol, qonaq, jol, qozı, tolqın, Omar, oda, opera, okrug, order, ocherk, okean, radio, kino, video, azot, palto, foto t.b.[1]
O I at. 1. Qaraqalpaq álipbesiniń jigirmanshı háribi (kirilde) hám sol háriptiń jazılıw tańbası. 2. Erinniń dóńgeleniwi arqalı payda bolatuǵın erinlik, ashıq, juwan dawıslı ses, fonema.
O II t.s. Tańlanǵanda, quwanǵanda, renjigende hám basqa da ruwxıy halatlarda aytıladı. O, -dedi Atajanov meniń soraǵanıma tań qalǵan sıyaqlı tús bildirip, -siz onı ele bilmeysiz be? (J.Seytjanov). – O, mańlayımda parlap janǵan shoq juldızım (Ó.Xojaniyazov).
O III alm. Sóylew tilinde «ol» almasıǵınıń ıqshamlanǵan túri.[2]