Osmaniye

Osmaniye
37°4′30″N 36°15′0″E
Aymaq túri	qala
Jer maydanı	3.767 km² km²
Pochta indeksi	80000
Avtomobil kodı	80
Osmaniye

Osmaniye — Túrkiyanıń Osmaniye wálayatınıń oraylıq qalası.

Tariyxı

Çukurova dáslepki dáwirlerden baslap hár qıylı civilizaciyalardı (xitt, parsı, rim) besik qılǵan. Geografiyalıq hám strategiyalıq jaylasıwı boyınsha Osmaniya Shıǵıs Anatoliyaǵa kiriw dárwazası esaplanadı. Ol Jaqın Shıǵıs mámleketleri menen baylanıstıratuǵın jolda. Jipek sawda jolınıń da bul aymaq arqalı ótiwi aymaqtıń áhmiyetin arttırǵan. Ásirese, Nur tawlarında dáslepki ásirlerde qaraqshılıq penen kún keshirgen qáwimler jaylasqan. Isos portına kelgen hám Jer Orta teńizinde júzip júrgen sawda kemelerin urlaǵan qaraqshılar Nur tawlarında jasırınǵan.

Anatoliyaǵa túrk aǵısları abbasiyler xalifası Harun Rashid dáwirinde ámelge asırılǵan. Túrklerden Xassa armiyalarına tiykar salǵan Harun Rashid Anatoliyaǵa atlanısların abbasiyler armiyası menen birge túrk áskerlerine tapsırǵan. Wálayatta burınǵı atı Harunniya, házirgi atı Düziçi bolǵan wálayatta Harun Rashid qorǵanı dep atalǵan qorǵan saqlanıp qalǵan. Anatoliyaǵa kelgen túrkler bul aymaqlar klimatı hám geografiyalıq kórinisi jaǵınan dáslepki watanı Orta Aziyaga júdá uqsas ekenligin kórgen. Olar Anatoliyada jasaytuǵın orınlardı izley basladı.