PTA turı qısqa tariyxı
 |
Tennisshilerdiń xalıq aralıq tennis federatsiyasına hám tur direktorlarına qatnası 1968-jılı shiyelenise basladı. Sebebi qızıǵıwshı tennisshiler turniri tek ǵana "professional" tennisshiler ushın ashıq edi.
1965-jılı dúzilgen tennis professionallarınıń xalıq aralıq assotsiyatsiyası is barısı tennis professional sportshılarınıń pikiri boyınsha olardıń talap ikramları iske aspay hámde byurakratiyalıq strukturaǵa aylanıp ketkenligin kórsetti.
Tennis professionallarınıń birden-bir talabı prizli bahalardı kóbeytiw edi, biraq tennisshi ámeldarlarınıń sportshılarǵa mensinbewshilik kóz qarasları sebepli bul ámelge aspadı.
Sol ushında 1972-jılı professional tennisshiler assotsiatsiyası dúzildi hám buǵan basshılıqtı oyınshılardıń ózleri óz qolına aldı. Professional tennisshiler assotsiatsiyasınıń birinshi prezidenti bolıp belgili professional Kliff Drisdeyl saylandı. Professional tennis assotsiatsiyası menen xalıq aralıq tennis federatsiyası qarım-qatnas jumısları xalıq-aralıq oyınshılar keńesi arqalı dúzilip bardı.
Dúnyaǵa tanılǵan jekke adamlar Born Borg, Djon Makinroy, Djimmi Konnors hám İvan Lendler arqasında erler tennisi sponsorlardı hám televedenienı óz dıqqatlarına qaratıp turnirlerdi shólkemlestiriwshilerge joqarı tabıslar keltire basladı. Bul xalıq aralıq oyınlar keńesi 1973-jılı dúzilip, 80 jıllar aqırına kelip sportshılar tennis biznesin basqarıwda teńdey huqıqqa iye bolıwların hám tabıslardı teńdey bólistiriwlerin talap etiwleri hesh kimge tań qalarlıq nárse emesliklerin atap kórsetti. AQShtıń ashıq chempionatında XATFsı menen óz-ara túsinbewshilikleri arasında tennisshiler 1989-jılı press-konferentsiya ótkizip professional tennisshiler assotsiatsiyası ózleriniń derlik turdı shólkemlestiriwin daǵazalap kórsetti hám erler tennisiniń tariyxında eń baslı shólkem bolıp qaldı. Amerikalıq korporatsiya IBM 1990-jılı 1-yanvardan baslap PTA sı turınıń titullı sponsorı bolıp start aldı. Házirgi waqıtqa deyin PTA turı altı kontinentte 30 dan aslam mámleketlerde 77 turnirlerdi qosıp turıptı.