Pitirim Sorokin
Pitirim Aleksandrovich Sorokin (21-yanvar 1889-jıl, Turya, Perm gubernyası— 2-oktyabr 1968-jıl, Uinchester, Massachusetts shtatı, AQSh) — kelip shıǵıwı rus bolǵan amerikaliq sociolog. Oń eserler jetekshisi. 1920-jıldan Petrograd universiteti professorı. Aksilrevolyuciyalıq iskerligi ushın sovetler hákimiyati onı mámleketten shıǵarıp jibergen (1922). 1923-jıldan AQShta. 1930-jıllarda Harvard universiteti professorı. Sol jerde sociologiya fakultetin shólkemlestirip, onı basqarǵan. Sorokin AQSH sociologiyasında húkimran bolǵan empirik jónelisti sın pikir etken hám "integral" sociologiya haqqındaǵı táliymattı rawajlandırǵan. Social bolmısı individden joqarı turıwshı social mádeniy barlıq dep bilgen. Tariyxıy basqıshtı mádeniyat tiykarǵı tipleriniń siklik almasınıwı dep túsindirgen, bul mádeniyatlar negizinde til, ádep-ikramlılıq , kórkem-óner, pán, din birgelikte payda boladı. Házirgi mádeniyat ulıwmalıq kirzisti basınan keshirmekte dep esaplaǵan Sorokin bul krizisti materializm hám pánniń rawajlanıwı menen baylanıstıradı hámde diniy "idealistik" mádeniyattı keseltiripqana krizisten shıǵıw múmkin, dep bayanlaydı. Batıs sociologiyasında Sorokinniń social mobillik hám stratifikaciyanı úyreniw tarawında qılǵan empirik izertlewleri de joqarı bahalanadı.
Ádebiyatlar[redaktorlaw | derekti jańalaw]
Usı maqalada Ózbekstan milliy ensiklopediyası (2000-2005) maǵlıwmatlarınan paydalanılǵan.