Piza minarası

Piza minarası - Italiyanıń Piza qalasında jaylasqan. Qurılısı 1173-jıl avgustta baslanģan. Minara 1370-jılda qurıp pitkerilgen. Minara 296 yaki 294 tekshege iye. Jetinshi etajda arqaģa  qaraģan tekshede eki ese azıraq qàdem bar. Minara XII àsirde qurılıs waqtında, strukturanıń awırlıģın durıs kòtere almay, astındaģı topıraqqa shògip qalģan. XIV àsirde qurılıstıń pitiwi sebepli awıwı jànede jamanlastı. 1990-jılģa kelip iyiliw 5,5 gradusqa jetti. 1993-jıldan 2001-jılģa shekemgi bolģan dàwirde dúzetiw jumısları nàtiyjesinde jaģdayı biraz jaqsılandı, bul ese iyiliwdi 3,97 dàrejege qısqarttı. Negizgi proekttiń avtorı kim ekenligi belgili emes. Biraq tariyxıy qoljazbalarģa qaraģanda bul Bonanno Pisano bolıwı múmkin dep shamalanadı. Búgingi kúnde minaranıń qulawı dàslep payda bolģanba yaki topıraqtıń pàseyiwi nàtiyjesinde payda bolģanba belgisiz. Minaranı vertikal tàrizde qurıw rejelestirilgen edi. Minara qurılısı 199 jıl dawamında 3 basqıshta àmelge asırıldı. 1173-jıl 9-avgustta minaranıń fundamenti qoyıldı. 1987-jılda Piza YuNESKOnıń Jàhàn miyrası dizimine kiritildi.