Puqarasızlıq

Puqarasızlıq shaxstıń hesh bir milliy mámlekettiń puqarasızlıǵına iye bolmawı. Puqarasız shaxslar (apatridlar) huqıqsız bolmawı kerek. Ulıwma olardıń huqıqıy dárejesi olar jasap atırǵan mámlekettiń ishki nızamları menen belgilenedi. Ózbekstanda puqarasız shaxslardıń dárejesi sırt ellik puqaralardıń dárejesine teńlestirilgen. Bunda tek bir ayrıqshalıq bar, yaǵnıy olarǵa sırt el diplomatiyalıq wákilxanaları járdem kórsetiwge haqılı emes. Olar sırt el puqaraları kibi áskeriy minnetke hám saylaw huqıqlarına iye emes. Puqarasız shaxslarǵa da sırt el puqaraları usap ayrım kásiplik shekleniwler qollanıladı. Ózbekstan ishki ilajlar menen sheklenip, puqarasız shaxslarǵa tiyisli hesh bir xalıqaralıq shártnamada qatnasqanı joq. Máselen, Ózbekstannıń puqaralıq haqqındaǵı nızamına muwapıq Ózbekstan aymaǵında tuwılǵan puqarasız shaxstıń perzenti Ózbekstan Respublikası puqarası esaplanadı.

İshki nızamlarda qanday hújjetler hám faktorlar shaxstıń anaw yamasa mınaw mámleket puqarası ekenliginiń dáliyli bolıp xızmet etiwin belgileydi. Ózbekstan Respublikasınıń Puqaralıq haqqındaǵı nızamına muwapıq puqaralıqtı tastıyıqlawshı dáslep pasport, pasport alǵanǵa shekem tuwılǵanlıq haqqındaǵı guwalıq esaplanadı. Kóp sırt el mámleketlerinde sudta puqaralıqtı anıqlaw protsedurası bar.