Qabıl Maqsetov
| Qabıl Maqsetov | |
|---|---|
 | |
| Tuwılǵan sánesi | 16-yanvar 1929-jılı |
| Tuwılǵan jeri | Qanlıkól rayonı |
| Qaytıs bolǵan sánesi | 17-fevral 2002-jılı (73 jasta) |
| Qaytıs bolǵan jeri | Nókis |
| Ilimiy tarawı | folkloristika |
| Ilimiy dárejesi | filologiya pánleri doktorı (1966 ) |
| Ilimiy ataǵı | professor (1968) |
| Sıylıqları | Berdaq atındaǵı mámleketlik sıylıqtıń laureatı (1976) |
Maqsetov Qabıl (1929-jıl 16-yanvar, Qanlıkól rayonı — 2002-jıl 17-fevral, Nókis) — qaraqalpaq folkloristi. Ózbekstanda (1979 ) hám Qaraqalpaqstanda (1973) xızmet kórsetken ilim-pán ǵayratkeri, filologiya pánleri doktorı (1966 ), professor (1968). Xojeli pedagogikalıq bilim jurtın (1949 ) hám Qaraqalpaq pedagogikalıq institutın (1953) pitkergen. Dáslep mektepte oqıtıwshı (1949 — 1953), keyinirek usı institutta qaraqalpaq ádebiyatı kafedrasında úlken oqıtıwshı, basqarıwshı (1953—1957). Ózbekstan Pánler akademiyası Qaraqalpaqstan filialınıń táriyx, til hám ádebiyat institutında úlken ilimiy jumısshı, bólim basqarıwshısı (1959—1962), direktorı (1963—1992). Ilimiy dóretpeleri qaraqalpaq folklorına, qaraqalpaq qaharmanlıq eposına baǵıshlanǵan. Onıń qaraqalpaq tilindegi «Qaraqalpaq qaharmanlıq eposı «Qırıq qız»» (Nókis, 1962), «Qaraqalpaq qaharmanlıq dástanları poetikası» (T., 1965), «Qaraqalpaq folklori estetikası» (Nókis, 1971), «Qaraqalpaq eposı». Qurbanbay Tájibaev repertuarındaǵı dástanlardıń kórkem qásiyetlerine tiyisli (rus tilinde, 1976) dóretpeleri qaraqalpaq folklorı rawajlanıwında zárúrli ról oynadı. «Folklor hám ádebiyat» (Nókis, 1975) maqalalar toplamı házirgi qaraqalpaq ádebiyatı máselelerine baǵıshlanǵan. Berdaq atındaǵı Qaraqalpaqstan Respublikası Mámleketlik sıylıǵınıń laureatı (1976)[1].