Qandekli

Qandekli- Qaraqalpaqtıń qońırat arısınıń shúllik bólimine kiretuǵın ruw. Qandekliler tiykarınan Ámiwdaryanıń oń jaǵalıǵında jasaǵan. Qandekliler- Qurama, Kiyikshi, Toqpolat, Qırqsadıq degen 4 ruwdan quraladı. Qandekliler 19-ásirdiń ortalarında 365 xojalıq bolıp, Xanlıqqa 73 nóker, 219 qazıwshı beriwge tiyisli bolǵan. Sol dáwirde kespe salıq ushın xanǵa 735 tilla salıq tólegen. Usı dáwirlerde olardan- Dáljan, Molbay, Álimbay, Bekniyaz, Dostmuxammed sıyaqlı biyleri, Jumat degen ásker basıları bolǵan.