Qarakól (qala, Qırǵızstan)
Qarakól 1889-1921 hám 1939-90-jıllarda Prjevalsk) — Qırǵızstan Respublikası Íssıkól wálayatındaǵı qala, wálayat orayı. Terskay Alatawdıń arqa eteginde, Qarakól dáryası boyında jaylasqan. Avtomobil jolları kesispesi. Xalqı 64,3 mıń adam (1999). 1871-jıldan Jetisuw wálayatındaǵı uyezd qalası. Azıq-awqat, miywe-sharap, júweri ónimleri, nan, balıq zavodları, sút, góshkombinatları hám jeńil sanaat (ayaq kiyim hám tigiwshilik fabrikaları); elektr-texnika zavodı, elektr ıssılıq orayı, aeroport bar. Qurılıs materialları islep shıǵarıladı (temir-beton birlespeleri, gerbish-shaǵal zavodları). Pedagogika institutı, Íssıkól universitetiniń joqarı ekonomika kolleji, úlketanıwshılıq muzeyi bar. Q. átirapında "Aqsuw" hám "Jetiógiz" balneologik kurortları jaylasqan.
Jaylasıwı
[redaktorlaw | derekti redaktorlaw]Qarakól ortasha teńiz betinen 1792 m joqarıda jaylasqan. Batısında Shelpek, arqasında Burlyubas, Kunduy hám Tegizshil, shıǵısında Maman hám qublasında Jol-Golot aymaqları menen shegaralasqan.