Quda tùsiw

Qudalar eki-úsh jası úlken bolıp, quda tusiwi ushın kızdıń úyine keledi. Bunnan aldın ala xabar tarqap qızdıń ata-anası da ózleriniń bir-eki jası úlkenin aldırıp qoyadı. Qudalarģa arnayı qazan keterip, kutedi. Eki táreptiń jası úlkenleri qudasha haqqında sóylesedi. Tamır jańalawģa kelisilgennen keyin nan sındırısadı. Bir-birine oń bolsın aytadı. Nan sındırısıw eki táreptiń esabınan putin jup nan qolga alınıp, dáslep, qızdı sorap kelgen qudalarģa usınıs etiledi. Olar jası úlkeninen baslap, gezek penen jup-juptan nan qosa sındırıp awız tiygennen keyin, nan qız tàreptegi qudalarģa usınıladı. Usılay etip, eki jasqa baxıt tilep, pátiya qıladı, qızdıń uzatılatuģın sárshembisi belgilenedi. Burında «sárshembi— sátli kún» dep qız uzatıw tek ģana sárshembi kúnine belgilengen.