Rajapbay Saidov
|
| Rajapbay Saidov | |
|---|---|
 | |
| Atı | Rajapbay Saidov |
| Tuwılǵan | 1919-jıl |
| Qaytıs bolǵan | 1993-jıl |
| Sıylıqları | Qaraqalpaqstan Respublikasına miyneti sińgen jurnalist |
RAJAPBAY SAIDOV (1919-1993 jj.) – belgili baspasóz wákili, Qaraqalpaqstan Respublikasına miyneti sińgen jurnalist, «Erkin Qaraqalpaqstan» (burınǵı «Sovet Qaraqalpaqstanı») fotoxabarshısı.
Biografiyası[redaktorlaw | derekti jańalaw]
Rajapbay Saidov 1919-jıldıń báhárinde Tórtkúl qalasındaǵı súwretshilikti kásip etken semyada tuwıldı. Balalıq dáwirinen-aq onıń súwretke bolǵan qızıǵıwshılıǵı joqarı boldı. Moskvadaǵı (Rossiya) Lunacharskiy atındaǵı teatr iskusstvosı institutında bilim aldı. Instituttı tamamlaǵannan soń Qaraqalpaqstannan barǵan dáslepki iskusstvo qarlıǵashları menen birge aktyorlıq diplomın alıp qaytqan jas qánigeniń ómiri birden súwretshilikke arnaladı hám bul óz aldına bir umıtılmas tariyxqa aylanadı.
Dóretiwshiligi[redaktorlaw | derekti jańalaw]
Rajapbay Saidov óziniń qırıq jıldan aslamıraq ómir jolı dawamında «Erkin Qaraqalpaqstan» (burınǵı «Sovet Qaraqalpaqstanı») gazetasınıń fotoxabarshısı retinde jumıs isledi. Respublikamızdaǵı gúllán jańalıqlar hám bolıp atırǵan hár qıylı quwanıshlı waqıyalardı fotosúwretlerde sáwlelendirdi. Súwretke túsiriwde obektti tańlap biliwin hám principiallılıǵın ashıp kórsetetuǵın kóplegen sıpatlarǵa iye boldı. Ol óz qaharmanların kútpegen jerden, háreket yaki quwanısh, tolqıw ústinde, tek waqıttıń bir eki sekundliq bólegi ishinde súwretke alıwdıń sheberi boldı. Usınday tınımsız óz ústinde islewi, jemisli miynetleriniń nátiyjesinde "Qaraqalpaqstanǵa miyneti sińgen jurnalist" ataǵına iye boldı. Rajapbay Saidov óz dáwirinde respublika xalıq xojalıǵınıń ósip, rawajlanıw jolları menen tıǵız baylanısqan hám siyrek ushırasatuǵın bay fotomateriallar arxivin ózinde puqta saqlap kelgen belgili fotojurnalist bolıp tanıldı. Bul fotojurnalisttiń belgili bir dáwirdiń shejiresin jazıwǵa qosqan úlken úlesi bolıp tabıladı. Rajapbay Saidov Ekinshi jer júzilik urıs qatnasıwshısı hám miynet veteranı bolǵan sap hujdanlı, joqarı mamanlıqtaǵı súwretke túsiriwdiń sheberi bolıp tariyx betlerinde atı qaldı.
Dárekler[redaktorlaw | derekti jańalaw]
- Qaraqalpaqstan Respublikası Arxiv isi basqarması
- Facebook.com