Raketa

Raketa (ital. rocchetta — pilpirek) — belgili raketa janılǵısı (is jisimi) janǵanda payda bolatuǵın kúsh tásirinde háreketlenetin ushıwshı apparat. Raketa janılǵısı túrine kóre, qattı jaǵılgılı hám suyıq janılǵılı túrlerge bólinedi. Basqarılatuǵın hám basqarılmaytuǵın túrleri bar. Basqarılatuǵın ushıp ketip atqanda óz jónelisin (trayektoriyasın) ózgertiriwi múmkin. Bir basqıshlı hám kóp basqıshlı Raketalar bar. Kóp basqıshlı R. zaxira janılǵı salinǵan bólme, dvigatel qurılması, janılǵı beriw dizimi, basqarıw organları, apparatları hám basqalardan ibárat. Ol raketanıń belgili basqıshda ushıwın táminleydi. Janılǵı zaxirası tawsılgasın, birinshi basqısh Raketanıń ushıwda dawam etetuǵın basqa basqıshlarınan ajıraladı. Raketanıń baslanǵısh (start) massası bir neshe mıń tonnaǵa shekem bolıwı múmkin. Raketa áskeriy iste hám kosmonavtikada qollanadı. Raketa belgili ushırıw qurılmalarınan ushırıladı. Raketa áskeriy maqsetlerde, kosmosda, h.t.b islerde, xojalıq maqsetleri ushın isletiledi. Kosmik Raketalardıń jaratılıwı worıs alımları K.E.Siolkovskiy, N.I.Kibalchich, FL.Sander, V.P.Ptushko, S.P.Korolyov, sırt el alımları R.Goddard, G.Obert hám b. atı menen baylanıslı.