Raxilya Miftaxova
Miftaxova Raxilya Xaydarovna (1940-jıl 7-oktyabr, Xojeli – 2000-jıl 8-yanvar) – opera qosıqshısı, oqıtıwshısı, RSFSRda xizmet kórsetken artist (1981), Tatarstan Respublikası xalıq artisti (1993).
Ómirbayanı
[redaktorlaw | derekti redaktorlaw]1940-jıl 7-oktabrde Qaraqalpaqstan Sovet Sotsialistlik Respublikasınıń Xojeli qalasında tuwılǵan. 1946 -jılda shańaraǵı menen Permǵa kóship ótken hám sol jerde mektepti tamamlaǵan. 1963-jılda Qazan muzıka kolledjin tamamlap, Qazan mámleketlik konservatoriyasında islegen. Raxilya Miftaxovanıń N. G. Livshits, N. N. Luchinina, Z. G. Bayrasheva, K. Z. Sherbinina sıyaqlı oqıtıwshıları bolǵan.
1962-jıl dekabr ayınan Raxilya Miftaxova Musa Jalil atındaǵı Tatar opera hám balet teatrında stajyor bolıp islegen. 1968-jıldan Qazan konservatoriyasın tamamlaǵannan keyin, teatrda solist bolıp isley baslaǵan[1].
1971―1978-jıllarda muzıka mektebinde sabaq bergen. 1985―1999 -jıllarda - Qazan mádeniyat hám kórkem óner institutı oqıtıwshısı, 1997―2000-jıllarda - jeke atqarıwshı qosıqshılıq kafedrası basqarıwshısı, professor.
2000-jıl 8-yanvarda qaytıs bolǵan. Qazan qalasındaǵı Novotatar qabiristanına jerlengen[2].
Dóretiwshiligi
[redaktorlaw | derekti redaktorlaw]32 jıllıq iskerligi dawamında Raxilya Miftaxova 50 den artıq opera rolin atqarǵan, atap aytqanda : Gilda („Rigoletto“), Margarita („Faust“), Aida („Aida“), Marfa („Sarskaya nevesta“), Madama Butterfly. („Cio Cio san“), Liza („Pikovaya dama“), Tatyana („Evgeniy Onegin“), Yaroslavna („Knyaz Igor“), Leonora („Trubadur“), Rosina („Sevilskiy siryulnik“ "), Alfiya („Samat“), Bibisara („Jigangir“), Shayırdıń zayıbı („Jalil“), Karakash („Altinchech“), Jol baslawshı („Bashmachki“), Rozalind („Letuchaya mish“), Malika volapyuk („Silva“) hám basqalar [3].
Qosıqshınıń repertuarına opera rolinen tısqarı, tatar kompozitorları Saidashev, Muzzafarov, Valiullin, Jiganov, Yaxinniń kamera dóretpeleri, ullı shayır Abdulla Toqay qosıqlarına jazılǵan roman hám qosıqlar kiritilgen.
Sıylıqları
[redaktorlaw | derekti redaktorlaw]Derekler
[redaktorlaw | derekti redaktorlaw]- ↑ „РАХИЛЯ МИФТАХОВА“. Qaraldı: 3-oktabr 2023-yil.
- ↑ „Мифтахова Рахиля Хайдаровна“. Qaraldı: 3-oktabr 2023-yil.
- ↑ 3,0 3,1 3,2 „Мифтахова Рахиля Хайдаровна“. Qaraldı: 3-oktabr 2023-yil.
Siltemeler
[redaktorlaw | derekti redaktorlaw]- „Мифтахова Рахиля (1940 – 2000)“. Татарский театр оперы и балета имени Мусы Джалиля. 2-may 2014-jılda túp nusqadan arxivlendi. Qaraldı: 1-may 2014-jıl.
- „24 ноября — опера «Аида», посвящённая 70-летию со дня рождения Рахили Мифтаховой (1940—2000)“. Татарский театр оперы и балета имени Мусы Джалиля (22-noyabr 2010-jıl). 2-may 2014-jılda túp nusqadan arxivlendi. Qaraldı: 1-may 2014-jıl.
- Р. Такташ. „Мифтахова, Рахиля Хайдаровна“. Казанский театральный музей. Qaraldı: 1-may 2014-jıl.