Rembrandt
.jpg) | |
| Tuwılǵan sánesi | 15-iyul 1606[1][2][3][4][5][6][7][8] |
|---|---|
| Qaytıs bolǵan sánesi | 4-oktyabr 1669[1][2][9][4][6][7][8] (63 jasta) |
| Kásibi | Súwretshi |
Rembrandt Harmenszoon van Rijn (İyul 15, 1606 - Oktyabr 4, 1669) belgili Gollandiyalı súwretshi.
Ol Leiden qalasında tuwılǵan. 1631-jılı Amsterdamǵa jasaw ushın ketedi, sebebi ol jerde kóplegen adamlar ol haqqında esitken hám olardıń portretin salıwın qáler edi. Ol Saskia van Uylenberg atli hayalǵa úylenedi. Olardıń tórt balası bolǵan, biraq olardan úshewi júdá erte qaytıs boladı. Saskia qaytıs bolǵannan keyin, Rembrandt Hendrickje Stoffels atli óziniń xızmetker hayalı menen jasaydı hám olardıń Kornelia atlı qızı boladı. Rembrandt 1669-jılı 4-oktyabrde Amsterdamda qaytıs boladı.
Rembrandt kóplegen júdá belgili súwretlerdi salǵan. Olardıń birewleri júdá úlken, birewleri qarańǵı hám qayǵılı bolǵan. Ol júdá jaqsı súwretshi bolǵanı sonshelli, kóplegen súwretleri adamda waqıyada qatnasıp atırǵanday sezim tuwdırǵan. Rembrandt tárepinen salınǵan súwretlerdi dúnya júzi boylap belgili sanaat gallereyalarında kóriwge boladı.
Rembrandttıń sheberligin onıń realistik portretlerde hám diniy sahnalarda kóriwge boladı. Onıń dańqlı jumısları «Túńgi baqlaw» (1642), «Dr. Tulptıń anatomiya sabaǵı» (1632) hám kópshilik portretleri kórkem-óner tarıyxında óz ornın tapqan. Rembrandt kóp jıllar dawamında Amsterdamda jumıs islegen, bay sawdagerler, dáriǵerler, hám sháhár shólkemleri ushın súwretler salǵan.
Rembrandttıń ózgeshe sheberligi — jaqtıli kóleńkeniń kúshli qarama-qarsılıǵın paydalanıw (chiaroscuro). Bul usil oǵan súwretshiliginde drama hám tereńlik berdi. Onıń ofort isleri hám grafikaları da kópshilikke ta’sir qaldırǵan.[10]
Dóretiwshiligi
[redaktorlaw | derekti redaktorlaw]20-ásir mamanlarınıń aytıwı boyınsha, Rembrant ómir dawamında 600dan aslam kartina[11], 400ge jaqın ofort, hám 2,000 sızba súwretler salǵan[12].
Derekler
[redaktorlaw | derekti redaktorlaw]- 1 2 Deutsche Nationalbibliothek Record #11859964X // Gemeinsame Normdatei (alm.). 2012—2016.
- 1 2 Rembrandt (nid.).
- ↑ Rembrandt // Benezit Dictionary of Artists (ing.). OUP, 2006. ISBN 978-0-19-977378-7
- 1 2 The Fine Art Archive. 2003.
- ↑ https://archive.org/details/catalogueraisonn06hofsuoft/page/n15/mode/2up?view=theater. B. 1.
- 1 2 Bibliothèque nationale de France BnF authorities (fr.): ashıq maǵlıwmatlar platforması. 2011.
- 1 2 ECARTICO (ing.).
- 1 2 https://www.museabrugge.be/collection/work/id/0000_GRO4924_III.
- ↑ Rembrandt Harmensz. van Rhijn // Rembrandt Harmensz. van Rhijn. 2009.
- ↑ Bull, Duncan, et al., Rembrandt-Caravaggio, Rijksmuseum, 2006.
- ↑ «A Web Catalogue of Rembrandt Paintings». 28-iyul 2012-jılda túp nusqadan arxivlendi.
- ↑ «Institute Member Login – Institute for the Study of Western Civilization». 29-sentyabr 2007-jılda túp nusqadan arxivlendi.