Robaxon Mahmudova
| Robaxon Mahmudova | |
|---|---|
| Jeke maǵlıwmatları | |
| Tuwılǵan sáne | 9-noyabr 1958-jılı (66 jasta) |
| Tuwılǵan jeri | Ferǵana wálayatı |
| Puqaralıǵı | Ózbekstan |
Robaxon Anvarovna Mahmudova (russha Робахон Анваровна Махмудова; 1958-jıl, Ferǵana wálayatı, Ózbekstan SSR, SSSR) — ózbekstanlıq yurist, sudya hám senator. 2020-jılda Ózbekstan Respublikası Oliy Majlisi Senatınıń aǵzası etip saylanǵan. 2020-jıl 13-iyuldan baslap ol Ózbekstan Respublikası joqarı sudı aqsaqalınıń birinshi orınbasarı — basqarıw isleri boyınsha sudlar kollegiyasınıń aqsaqalı lawazımın iyelep kelgen. 2023-jıl 21-may kúninen baslap Robaxon Mahmudova Ózbekstan „Adolat“ social-demokratiyalıq partiyasınan prezidentlik saylawına óz kandidatlıǵın qoyǵannan keyin, onıń sudlar kollegiyası aqsaqalı lawazımı waqtınshalq toxtatılǵan. 2024-jıl 20-yanvardan „Adolat“ social-demokratiyalıq partiyası aqsaqalı etip saylanǵan[1].
Ómirbayanı
[redaktorlaw | derekti redaktorlaw]Robaxon Mahmudova 1958-jıl Ferǵana wálayatında tuwılǵan. 1983-jılda Tashkent mámleketlik universitetiniń Huqıqtanıw fakultetin tamamlaǵan. Ol Ferǵana wálayatı Jınayat isleri boyınsha sudınıń aqsaqalı bolıp islegen. 2008-jıl 29-avgustqa deyin ol Ózbekstan Respublikası Oliy sudınıń sudyası lawazımında islegen. 2017-jıldan 2020-jılǵa deyin ol Ózbekstan Prezidentiniń Ferǵana wálayatındaǵı Xalq qabıllawxanaları basshısı sıpatında islegen.
2020-jıl yanvar ayında ol IV shaqırıq Ózbekstan Respublikası Oliy Majlisiniń senatorı hám Pán, tálim hám densawlıqtı saqlaw komiteti aqsaqalı etip saylandı. 2020-jıl 13-iyulda Ózbekstan Oliy Majlisi Senatı Robaxon Mahmudovanı 10-jıl múddetke Ózbekstan Oliy sudı aqsaqalınıń birinshi orınbasarı etip sayladı, sonıń menen onı Pán,Tálim hám densawlıq boyınsha komitet aqsaqalı lawazımınan azat etildi. 2024-jıl 20-yanvardan „Adolat“ sotsial-demokratiyalıq partiyası aqsaqalı etip saylanǵan[1].
Miynet iskerligi
[redaktorlaw | derekti redaktorlaw]- 1976 jılda Ferǵana wálayat sudınıń xatkeri
- 1979 -1983 jıllarda Ferǵana qala 1-sanlı Mámleket notarial mekememesiniń notariusi
- 1983-1987 jıllarda Ferǵana wálayat Ádillik basqarması baslıǵınıń orınbasarı
- 1987-1990 jıllarda Ferǵana wálayat partiya komitetiniń jol-jobashısı
- 1990 -1999 jıllarda Ferǵana wálayat Ádillik basqarması baslıǵınıń birinshi orınbasarı
- 1999-2001 jıllarda Ferǵana wálayat sudınıń sudyası
- 2001-2004 jıllarda Ferǵana qala sudınıń baslıǵı
- 2004-2008 jıllarda Ózbekstan Respublikası Joqarı sudınıń sudyası
- 2008-2013 jıllarda Ferǵana wálayat sudınıń baslıǵı
- 2013-2017 jıllarda Ferǵana yuridikalıq kolledjiniń oqıtıwshısı
Sıylıqlar
[redaktorlaw | derekti redaktorlaw]2020-jıl 6-martta Ózbekstan Prezidenti Shavkat Mirziyoyev pármanı menen „Fidokorona xizmatlari uchun“ ordeni menen sıylıqlandı.
Derekler
[redaktorlaw | derekti redaktorlaw]- ↑ 1,0 1,1 „Robaxon Mahmudova «Adolat» partiyasi raisi etib saylandi“ (kun.uz). 20-yanvar 2024-jılda túp nusqadan arxivlendi. Qaraldı: 20-yanvar 2024-jıl.
Silteme kórsetiwdegi qátelik: Invalid
<ref>tag; name ":0" defined multiple times with different content