Rodion Romanovich Raskolnikov

Rodion Romanovich Raskolnikov – Fyodor Dostoevskiydiń eń tanımalı shıǵarmalarınan biri «Jınayat hám jaza» romanınıń bas qaharmanı. Rodion Patsha Rossiyasında bolıp ótken waqıyada Yuridika fakultetin finanslıq mashqalaları ushın taslap ketgen jas bir jigit.

Rodion Romanovich Roskolnikov
«Jınayat hám jaza» romanınıń bas qaharmanı
Tuwılǵan jeri	Sankt-Peterburg
Kásibi	eski student
Anası	Pulxeriya Alkesandrova

Raskolnikov (Rodion) romannıń protagonisti hám roman, aldı menen, onıń kóz-qaraslarında jámlenedi. Raskolnikov 23 jaslı jigit, eski student, romanda sulıw, qoyıw kózli, qoyıw qońır shashlı, jińishke, bet-álpeti kelisken qattı sulıw dep táriyiplenedi. Raskolnikovtıń, eń tań qaldırarlıq ózgesheligi - onıń qos tulǵalılıǵı. Bir tárepten, suwıq, nemquraylı taǵı antisocial, ekinshi tárepten, tań qaldırarlıq dárejede janǵa jaqın hám miyrimli bolıwı. Impulsivlik filantropiyadan basqa, jınayat ta isleydi. Onıń sırtqı álemnen tıs háreket etiwi hám nigilistlik dúnyatanımı sociallıq jatırqawınıń sebebi yamasa nátiyjesi bolıp esaplanıladı.

Roman atamasına («Jınayat hám jaza») qaramastan, Raskolnikovtıń ishki gúresinde bolǵanınday jınayat hám rásmiy jazası menen onsha qızıqsınbaydı (kitapta onıń jazası hújdanınan emes, nızamnan ekenligi kórsetilgen). Raskolnikov (ózin Napoleon I Bonaparttay ekenligin aytıp, joqarı sezinetuǵın adamlar haqqında jazǵan «Jınayat haqqında» maqalası/tezisi tiykarında) kelip shıǵatuǵın waqıyalardı jeńe alıwı, gúresiw ushın jeterli dárejede intellektuallıq jáne emiconallıq kúshim bar degen túsinik penen jınayat isleydi, biraq gúnası onı tez arada psixikalıq hám fizikalıq awırıwǵa alıp keledi. Negizinde, Raskolnikov islegen jınayatınıń bergen azabı menen óziniń qılmısın moyınlaw, moyınlamaw arasında qubıljıǵan oylarına jeńiledi hám bul onıń jazasın moyınlawına alıp keledi. Ol óziniń jazasın rásmiy túrde epilogta moyınlawǵa bel buwıp, jámiyetten alıslawın toqtatqanda ǵana túsinedi.