Sáwkele

Hayal-qızlardıń ayrıqsha kiyimleriniń bir túri—sáwkele. Sáwkele naǵıs penen kestelep tigilgen, hár túrli altın-gúmis penen bezelgen hayal-qızlardıń bas kiyimi.

Sáwkele - Bul júda ayyemgi dáwirlerden kiyatırǵan hayal-qızlardiń bas kiyimi esaplanadi.

Sawkele eki bólimnen ibarat bólip, birinshisi tumaq yamasa tóbelik dep atalsa, ekinshisi quyrıqsha yaki halaqası dep ataladi. Sáwkele awız-eki adebiyatımızda aytılıwına qaraǵanda biziń batir qızlarımızdiń kiygen kiyimleri retinde suwretlengen. Tariyxshilardiń maǵlıwmatına qaraǵanda ayyemgi massaget jawınger hayallari sawkeleni jawınger bas kiyimi sıpatinda urıslarǵa túsken waqtında paydalanǵan. Ol qaraqalpaq xalqınıń ,,Qirq qiz'' eposinda ayqın sawlelengen.

Sawkele iran tilinen alınǵan bolip ,,sho kuló" patsha bas kiyimi degen mánini ańlatadı.

Sawkele kózdiń jawın alatuǵın qızıl marjan ham altın, gúmis taǵılip qizil ushıǵa  tigilgen ǵayrı naǵısları bir biri menen sheber úylesip  birge tuwılǵanday bolip turadi. Belgili tariyxshi akademik S. P. Tolstov sáwkele eramizdiń basındaǵı Xorezm patshasınıń taji bolǵan degen edi. Sońlıqtanda bul kiyim ham askeriy hám hákimshilik ahmiyetke iye bolgan. Sawkele qaraqalpaqlardiń qol óneriniń bahali dóretpesi esaplanadi