Sózlerdi ótkermelew
Sózlerdi ótkermelew
Jazıwda kóp buwınlı sózlerdiń bir qatarǵa sıymay qalǵan bólekleri ekinshi qatarǵà buwın boyınsha ótkeriledi. Bunda tómendegi qaģıydalar esapqa alınadı: 1.Bir buwınlı sózler ótkermelenbeydi: taw, tas, tis, suw, al, bar, ol, bir, úsh hám t.b. 2. Kóp buwınlı sózlerdiń aldınǵı qatarǵà sıymày qalǵan buwını yàki buwınları ótkeriledi: mek-tep, su-wat, su-wıq, Gúl-jamal, Gúlja-mal, Nizamat-din, Niza-matdin, Ni-zamatdin hám t.b. 3.Buwın jasap kelgen dawıslı sestiń (háriptiń) jalǵız ózin burınǵı qatarda qaldırıwǵa yàki keyingi qatarǵa ótkeriwge bolmaydı. Ol aldınǵı yàki keyingi buwınǵa qosıp ótkeriledi: a-ta emes, ata; a-nası emes, ana-sı; á-debiy emes, áde-biy hám t.b. 4.Adam atlarınıń qısqartılıp alınǵan bas háriplerin óz aldına ótkermelewge bolmaydı: A. S. - Áwezov emes, A. S. Áwezov; B. - Yusupova emes, B. Yusupova hám t.b. 5. Bas háriplerden jasalǵan qısqarǵan sózlerdi bólip ótkermelewge bolmaydı: QR, BMSh, QMU, NMPI. Usınday sózlerge jalǵanǵan qosımtalardı ótkermelewge boladı: TashMI-ge, AQSh-tan hám t.b. 6.Cifr menen keletuǵın háripten ibarat shártli belgi hám menshikli atama sózler cifrdàn bólip alınıp, keyingi jolǵa kóshirilmeydi: 6 «a» klass, 500 kg, «Foton-774» (televizor), «Il-62» (samolyot), «GAZ-69» (avtomashina) hám t.b
 | Bul maqalada derekler kórsetilmegen. |