Saida Mirziyoyeva

Saida Mirziyoyeva
Ózbekstan Respublikası Prezident Admınıstratsiyası qasındaǵı Informaciya hám ǵalabalıq kommunikaciyalar agentligi direktorı orınbasarı
Wákillik dáwiri 2019-jıl 12-aprel — 2020-jıl 29-yanvar
Ózbekstan milliy mass-medianı qollap-quwatlaw hám rawajlandırıw jámiyetlik fondı qáwenderlik keńesi baslıǵınıń orınbasarı
Wákillik dáwiri 2020-jıl 31-yanvar — 2022-jıl 14-noyabr
Jeke maǵlıwmatları
Tuwılǵan sáne	4-noyabr 1984(1984-11-04) (41 jasta)
Ómirlik joldası	Aybek Tursınov
Balaları	3
Anası	Ziroat Mirziyoyeva
Ákesi	Shavkat Mirziyoyev

Mirziyoyeva Saida Shavkatovna (1984-jıl 4-noyabr) — mámleket hám jámiyetlik ǵayratker, Prezident Administraciyası Atqarıw apparatınıń Kommunikaciyalar hám informaciya siyasatı boyınsha shoba basqarıwshısı, Ózbekstan milliy mass-medianı qollap-quwatlaw hám rawajlandırıw jámiyetlik fondı qáwenderlik keńesi baslıǵınıń orınbasarı (2020-jıl 31-yanvar — 2022-jıl 14-noyabr); Ózbekstan Respublikası Prezident Admınıstratsiyası qasındaǵı Informaciya hám ǵalabalıq kommunikaciyalar agentligi direktorı orınbasarı (2019-jıl 12-aprel 2020-jıl 29-yanvar). Ózbekstan Respublikası Prezidenti Shavkat Mirziyoyevtıń tunǵısh qızı.

Balalıq jılları

Saida 1984-jıl 4-noyabr kúni Ferǵana wálayatı, Qoqan qalasında, ózbek mámleket siyasatshısı Shavkat Mirziyoyev hám Ziroatxon Mirziyoyevalar shańaraǵında tuwılǵan. Saida Mirziyoyevanıń sińlisi Shahnoza Mirziyoyeva hám úkesi Miralisher Mirziyoyev bar.

Maǵlıwmatı

Ózbekstan Respublikası Jáhán ekonomikası hám diplomatiyası universitetiniń xalıq aralıq huqıq boyınsha bakalavr dárejesine iye. 2008-jılda Tashkent mámleket yuridikalıq universitetinde huqıqtanıw magistrı ilimiy dárejesin alǵan. 2010-jılda Lomonosov atındaǵı Moskva mámleket universitetiniń ekonomika baǵdarında ekinshi qánigelik boyınsha magistrlıq diplomın qolǵa kirgizgen.