Sarkadalılar

QARAQALPAQ WİKİPEDİASININ' MAG'LIWMATI
Bug'an o'tiw: navigatsiya, izlew

Sarkadalılar denesinde qattı qabıq bolmaydı, kletka tsitoplazması tek tsitoplazma membranası menen sırtqı ortalıqtan ajıralıp turadı. Sarkadalılar yamasa tamır ayaqlılarda ha'reket organellası - jalg'an ayaq (psevdopodiy) lardın' bolıwı ta'n belgi esaplanadı. Ol tsitoplazmadan payda bolg'an turaqsız o'simshelerden ibarat. Sarkadalılarda qaplag'ısh pellikula bolmaydı. Biraq geyparalarında qabıq, baqanshaq bolıwı mumkin. Jalg'an ayaqlar pa'rik ta'rizli (lobopodiylar), sabaq ta'rizli (filopodiylar), nur ta'rizli (askopodiylar) ha'm tor ta'rizli (retikulopodiyler) pishinde bolıwı mumkin. Jalg'an ayaqlar azıqtı sin'irip alıw wazıypasında atqaradı.

Sarkadalılar kletkasında bir yamasa bir neshe yadro bar. Dushshı suw ha'm topıraqta jasawshılarda qısqarıwshı vakuoli boladı. Barlıq bir kletkalılar sıyaqlı bularda dene sırtı menen dem aladı.

Sarkadalılar kobinshe ekige bo'liniw, geyde bu'rtikleniw arqalı jınıssız ko'beyedi. Jınıslı ko'beyiwi qamshılı yamasa amyoba ayaqlı (qamshısız) gametalar payda qılıw jolı menen o'tedi.

Bularg'a 11 mın'nan ziyat tu'r kiredi. Dushshı suwlarda, ten'iz, okean ha'm topıraqta erkin jasaydı. Ayırım tu'rleri parazit esaplanadı.

Sarkadalılar tamır ayaqlılar, nurlılar ha'm quyashsımaqlar klasslarına bo'linedi.