Sayǵaqlı mámleketlik buyırtpa qorıqxanası
 | Bul maqalaǵa basqa heshbir maqaladan silteme berilmegen. (Iyun 2023) |
Sayǵaqlı mámleketlik buyırtpa qorıqxanası (zakaznigi) - sayǵaqlardı hám olar kóbeyetuǵın aymaqlardı qorǵaw maqsetinde 1991-jılda shólkemlestirilgen. Qaraqalpaqstan Respublikasınıń Qońırat rayonında, Ústirt platosınıń arqa-batıs bóleginde jaylasqan. Qaraqalpaqstan Respublikası Tábiyattı qorǵaw mámleketlik komitetine qaraydı. Maydanı 1 mln.ga. Buyırtpaxananıń shıǵıs shegarası Qazaqstan Respublikasınıń mámleket shegarasına shekem, batıs shegarası Aterov (Guryev) hám Aqtóbe wálayatı shegaralarına shekem baradı. Ústirtte jasaytuǵın sayǵaqlar Qaraqalpaqstan aymaǵınıń Ústirt bóleginde kóbeyip, jazda Qazaqstan shóllerine qaray kóshedi, gúzde taǵı Ústirtke qaytadı. Bul aymaqta Ózbekstan Qızıl kitabına kiritilgen tuwalaq hám basqa haywanlar da jasaydı. Buyırtpa aymaǵında sayǵaqlardıń ulıwma sanı 30 mıńǵa jaqın (2003)[1].
Derekler[redaktorlaw | derekti jańalaw]
 | Bul maqalada Ózbekstan milliy enciklopediyası (2000-2005) maǵlıwmatlarınan paydalanılǵan. |