Sebep pısıqlawısh

Is-hárekettiń isleniw yamasa islenbew sebebin bildiretuǵın pısıqlawıshqa sebep pısıqlawısh delinedi.Sebep pısıqlawısh nege? ne sebepten? ne sebepli? nelikten? ne ushın? t.b. sorawlarǵa juwap beredi.Sebep pısıqlawıshı xızmetindegi sózler is-hárekettiń isleniwine sebepshi boladı.Sebep pısıqlawısh tómendegi sózler arqalı bildiriledi.1. Shıǵıs seplik qosımtalı atawısh sózlerden, sebep ráwishinen boladı. M ı s a l ı : 1. Onıń júzi quwanıshtanqızarıp ketti. (J. S.) 2. Eshkiniń qabırǵaları say-say bolıp, arıqlıqtan óliwge kelipti. (Q.x.e.) 3. Murat ılajsızdanqoylardı baydıń úyine aydap keldi. (S. A.)2. -ıp/-ip,-p hám -ǵanlıqtan/-genlikten qosımtalı hal feyil hám hal feyilli toplamlardan boladı. M ı s a l ı : 1. Ol qısınıp terley basladı. 2. Bir waqıtta ol ózine qarsıkiyatırǵan adamdı kórip gilt toqtadı. (T. Q.) 3. Ol súysinip oqıǵanlıqtan waqıttıń ótip ketkenin de sezbedi. (J. S.) 3. Shıǵıs seplik qosımtalı kelbetlik feyil, atawısh feyillerden hám sol feyillerdiń basqarıwındaǵı toplamlardan boladı. M ı s a l ı : 1. Ol albıraǵanınan bosaǵaǵa súrnigip ketti. 2. Biytanıs kisini kóriwden ekewiniń de húreyi ushıp qorqısıp qaldı. (T. Q.)4. Atawıshlar menen tirkewishler dizbeginen boladı. M ı s a l ı : 1. Ol qurdasın kórgen soń sóylesip qalǵan shıǵar. (T. Q.) 2. Uqıplı basshı dep sol ushın aytadı ǵoy. 3. Ol qıstawlı tapsırma menen júrip ketti.