Sergey Diomidov
Sergey Viktorovich Diomidov (; 1943-jıl 9-iyul, Tórtkúl, Qaraqalpaq Avtonom Sovet Sotsialistlik Respublikası, Ózbekstan SSR) – sovet gimnastikashısı, Olimpia oyınlarınıń eki márte gúmis hám bronza medalı jeńimpazı. SSSRda xizmet kórsetken sport ustası (1966)[1]. SSKA sport keńesi aǵzası[2].
Ómirbayanı[redaktorlaw | derekti jańalaw]
Sergey Viktorovich Diomidov 1943-jıl 9 -iyulda Qaraqalpaq Avtonom Sovet Sotsialistlik Respublikası Tórtkúl qalasında tuwılǵan [3][4].
Sergey Diomidov mektep oqıwshısı bolıp júrgen waqıtlarınan baslap sport gimnastikasına qızıǵıp qalǵan. 1960 -jılda 16 jasında „Dinamo“ sport jámiyetiniń Pútkil shólkem chempionatında sport ustası qoyǵan talaptı orınlaydı. Tashkent qalasındaǵı 2-orta mektepti tamamlaǵannan keyin, áskeriy xızmetke shaqırıladı, xızmet dáwirinde de sport gimnastikası menen shuǵıllanıwdı dawam ettiredi[4].
1956—1967-jıllarda Sergey Diomidov Tashkentte R. G. Sarkisov tárbiyashılıǵında sport gimnastikası menen shuǵıllanǵan, „Dinamo“ sport jámiyeti hám Ózbekstan armiya sport klubı (SKA) quramında jarıslarda qatnasqan, 1962-jıldan 1974-jılǵa shekem mámlekettiń tiykarǵı armiya klubı húrmetin qorǵaǵan[4]. Házirde Moskvada jasap atır[5].
Sporttaǵı iskerligi[redaktorlaw | derekti jańalaw]
Tokiodaǵı 1964-jıl XvIII jazǵı Olimpiada oyınlarında Sergey Diomidov jámáátlik tartıslarda gúmis medaldı qolǵa kirgizgen. Tórt jıl ótkennen keyin, 1968-jıl jazǵı Olimpiada oyınlarında Sergey Diomidov toparı menen taǵı óz jetiskenligin tákirarlaydı, sonıń menen birge, tayansh sekiriwde Yaponiyalıq Yukio Endo hám óz elindegi Mixail Voroninǵa jeńilip, bronza medalın qolǵa kirgizgen[6].
1965-jılǵı Evropa chempionatında 4 bronza, 1966 -jılǵı jáhán chempionatında altın hám gúmis, keyingi chempionatında bolsa taǵı gúmis medaldı qolǵa kirgizgen.
1964-jılda Sergey Diomidov jáhánde birinshi bolıp aldınǵa bir silteniwde 360 graduslıq aylanıwdı ámelge asıradı hám keyinirek bul háreket onıń atı menen „Diomidov aylanıwı“ dep ataldı. Sergey Diomidov Rossiya Kórkem akademiyasınıń akademigi Dmitriy Jilinskiydiń „SSSR gimnastikashıları“ kartinasında súwretlengen.
1970-jılda sporttaǵı iskerligin tamamlaǵan[7].
Jetiskenlikleri[redaktorlaw | derekti jańalaw]
Sport gimnastikası boyınsha Olimpiada oyınları gúmis medalı jeńimpazı(1964, 1968), olimpiada oyınları bronza medalı jeńimpazı(1968), sport gimnastikası boyınsha jáhán chempionı (1966 ), jáhán chempionatı gúmis medalı jeńimpazı (1966, 1970), jáhán chempionatı bronza medalı jeńimpazı (1965), sport gimnastikası boyınsha SSSRdıń tolıq chempionı (1965, 1969 ), SSSR chempionı (1966, 1970).
Derekler[redaktorlaw | derekti jańalaw]
- ↑ „ДИОМИДОВ СЕРГЕЙ ВИКТОРОВИЧ“.
- ↑ „С днём рождения, Сергей Викторович Диомидов!“ (9-iyul 2018-jıl).
- ↑ „Диомидов Сергей Викторович“.
- ↑ 4,0 4,1 4,2 „В день рождения ЗМС СССР, ЗТ РСФСР Диомидова Сергея Викторовича - "Легенды отечественной спортивной гимнастики"“ (9-iyul 2023-jıl).
- ↑ „Сергеей Викторович Диомидов // Энциклопедия отечественного спорта (Российская империя – Советский Союз – Российская Федерация) в 3-х томах“.
- ↑ „Sergey Diomidov“. sports-reference. 17-aprel 2020-jılda túp nusqadan arxivlendi.
- ↑ „ДИОМИДОВ Сергей Викторович“.