Shamurat Ótemuratov

Shamurat Ótemuratov
Tuwılǵan sánesi	1-iyun 1929-jılı(1929-06-01)
Tuwılǵan jeri	Taxtakópir rayonı
Qaytıs bolǵan sánesi	2006-jılı(2006)
Kásibi	teatr aktyorı
Sıylıqları	Berdaq atındaǵı mámleketlik sıylıǵı (1986)
Ataqları	Qaraqalpaqstan xalıq artisti (1963) Ózbekstan xalıq artisti (1977)

Shamurat Ótemuratov (Шамурат Өтемуратов; 1929-jıl 1-iyun, Taxtakópir rayonı, Qaraqalpaqstan) — qaraqalpaq aktyorı. Ózbekstan xalıq artisti (1977).

Ómir hám miynet jolı

Tashkent teatr hám súwretshilik kórkem-óneri institutın tamamlaǵan (1955). 1955-jıldan Qaraqalpaq mámleketlik muzıkalı teatrında aktyor. Sh.Ótemuratov, tiykarınan, komik roller ustası sıpatında tanılǵan. Sattor (J.Aymurzayev, «Ráwshan»), Xan (Sh. Husayinov, «Aldar kóse»), Elbrus (G. Xugayev, K.Pliyev, «Hayalımnıń kúyewi»), Sudya (G.Gorin, «Atı óshsin»), Doshum (S.Xojaniyazov, «Súymegenge súykenbe») sıyaqlı obrazlarda aktyorlıq qábileti kórinedi. Ótkir xarakteri hám de múláyim kúlki oyatıwshı roller menen bir qatarda tereń dramatikalıq obrazları («Kelin»de Dárimbet, «Jaralanǵan júrekler»de Sapar ata hám basqalar) menen de tanıldı.

Ol Qaraqalpaqstan radiosında beriletuǵın «Tikenek» satiralıq jurnalınıń hám televideniede teleminatyuralardıń tiykarın salıӯshılardıń biri boldı.

Jetiskenlikleri

Onıń Qaraqalpaq teatr kórkem óneriniń rawajlanıwına qosqan úlesleri óz waqtında bahalanıp bardı. Oǵan 1957-jılı Qaraqalpaqstan Respublikasına xızmet kórsetken artisti, 1963-jılı Qaraqalpaqstan xalıq artisti, 1977-jılı Ózbekstan xalıq artisti húrmetli ataqları berildi. 1986-jılı Berdaq atındaǵı mámleketlik sıylıqtıń laureatı boldı. Bir neshe mártebe Ózbekstan hám Qaraqalpaqstan Respublikaları Húrmet jarlıqları menen sıylıqlandı.

Sırtqı siltemeler

• Biografiyası
• Qaraqalpaqfilm» saytında
• Russha biografiyası