Shashpópek

Shashpópek – hayallardıń shashlarına taǵatuǵın zergerlik bezewi. Bul bezew qara jipekten toqılǵan ushları pópekten on bes-jigirmaday shıyırılǵan jip boladı. Bul jipler gúmisten quyma ǵuppa, qońırawsha hám naysha formasındaǵı jáne basqa taǵınshaqlar taǵıladı. Shashpópek hár túrli formalardan ibarat bolıp, ol hár túrli atlar menen ataladı. Andijanda shashpópek, bekakul shashpópek, Namanganda bolsa kekilli shashpópek,pór shashpópek yamasa balıq awız, setkalı shashpópek túrleri bar. Qoqanda qubba shashpópek yamasa úlken qubba, Namanganda kartnama,kartnama bórdak, naysha, kartnama, úlken qubba, úlken ǵuppa hám basqa túrleri boladı.