Shipovnik

Wikipedia, erkin enciklopediya

Taw hám toǵaylarda átirgúlliler tuwısına tiyisli túrler ósedi. Olardan biri shipovnik bolıp esaplanadı. Onıń boyı 2—3 m ge jetetuǵın paqalı kóp, tikenli puta. Japıraqları quramalı, taq pár tárizli, 5—9 japıraqshalı. Iyun-iyul aylarında gúlleydi. Gúlleri iri, diametri 8—9 sm, tiykarınan ashıq qızıl gúl, gúlkese, gúl japıraǵı 5. Gúlde kóp atalıq hám analıq bar. Shipovniktiń jalǵan miywesi toyǵın qızıl, etli, uzınsha máyek tárizli bolıp, uzınlıǵı 2—3 sm, miywe ishinde júda kóp qattı tuqımları bar. Miywe quramında adam densawlıǵı ushın kerekli bolǵan zatlardan vitamin, limon kislotası, dubil hám basqa da zatlar boladı. Medicinada avitaminoz keseliniń aldın alıw hám emlewde qollanıladı.