Soǵdı

Soǵdı. Ǵárezsiz hákimlikler arasında eń irisi Soǵdı ixshidleri – oazis húkimdarı edi. Orta ásir mámleketleri

birlespesi awqamında Soǵdı ixshidleri úlken siyasiy orınǵa

iye edi. Usı awqamda Zarafshan hám Qashqadárya

alaplarında jaylasqan Samarqand, Buxara, Kesh oazisleriniń on bir iri múlkleri birlesken edi. Olardıń hár biri óz

hákimi, áskeriy shokarları hám mıs pulı birligine iye edi.

Soǵdıda xalıq tıǵız jasaytuǵın edi. Soǵdılılar diyqanshılıq hám baǵshılıq penen shuǵıllanıp, ásirese júzim

jetistiriwde oǵada sheber edi. Sharwashılıqta Soǵdınıń

gissar qoyları hám tulparlarınıń dańqı shıqqan edi.

Soǵdı qalaları bul dáwirde ónermentshiliktiń orayına

aylandı. 718-jılı sawǵa sıpatında Samarqandtan jiberilgen

dubulǵadan nusqa alıp, Qıtay qural soǵıwshıları armiyanı

temir qalpaq (dubulǵa)lar menen támiynlegen.