Tabasko

Tabasko — Meksikanıń arqa bólegindegi shtat, Meksika qoltıǵınıń jaǵasında jaylasqan. Maydanı 24,7 mıń km². Xalqı 1,89 million adam (2000-jıl boyınsha). Basqarıw orayı – Vilyaermosa. Relyefi tegislik, aymaǵınıń úlken bólegi batpaqlasqan. Íqlımı tropikalıq, ıssı (ortasha aylıq temperatura 23-27 °C) hám joqarı ıǵallıqtaǵı (jıllıq jawın qalıńlıǵı 2000-5000 mm). Suw tasqınları xojalıǵına úlken zıyan jetkeredi. Ekonomikası neft, gaz sanaatı hám plantaciya xojalıǵına qánigelesken. Salı, kakao egiledi, miyweshilik rawajlanǵan. Transport jolı hám shosse jolları arqalı mámlekettiń basqa aymaqları menen baylanısadı.

Derekler

ÓzME, Birinshi tom, Tashkent,2000-jıl