Televiziyalıq esap

QARAQALPAQ WİKİPEDİASININ' MAG'LIWMATI
Jump to navigation Jump to search

Televiziyalıq esap[o'zgertiw | қайнарын өңдеу]

Televiziyalıq esap - telejurnalistikanın' da'stu'riy ha'm jeke janrlardan bolıp, en' a'wele, ma'lim fakt ha'm waqıyalar (konferentsiyalar, jıynalıs, ma'jilisler, saparlar) menen baylanıslı.

Usı ma'niste ol telexabarg'a ju'da' jaqın. Lekin, onın' qa'siyeti ha'm xabardan ayırmashılıg'ı ma'limleme sıpatlamasının' bayan etiliwinde. Ma'selen, xabarda waqıyanın' qay jerde, qashan bolg'anlıg'ı haqqında mag'lıwmat berilse, televiziyalıq esap bul haqqında qosımsha ma'limleme beredi ha'm onın' maqset ja'ne a'hmiyeti tuwralı teletamashagoylerdi xabardar etedi. Televiziyalıq esapta waqıya xronika su'wretlengen ta'rizde bayan etiledi ha'm onda "jıynalg'anlar jıllı ku'tip aldı", "Ashılıwda qatnastı", "Qutlıqlaw so'zi menen shıqtı", "So'zge shıqqanlar maqulladı" kibi so'z dizbekleri ko'p ushıraydı.

Telejurnalistika teoriyası ha'm praktikasında televiziyalıq esap eki tu'rge ajıratıladı.

Birinshiden - waqıyanın' a'piwayı sa'wlesi beriledi.

Ekinshiden - avtordın' gu'rrin'i menen birgelikte tasmag'a jazılg'an shıg'ıwlardın' en' qızıq ha'm itibarg'a ılayıq u'zindiler berip barıladı. So'ylewdin' intonatsion qa'siyetleri, ta'sirshen'ligi ma'limlemeni bayıtadı, waqıyanın' tolıq ha'm izbe-iz bahalawg'a ja'rdem beredi.