Wikipedia, erkin enciklopediya
|
[[Fayl:|280px|súwret]] |
| Tuwılǵan sánesi |
10-may 1939(1939-05-10) |
|---|
| Qaytıs bolǵan sánesi |
2006 |
|---|
Tolıbay Qabulov 1939-jılı, 10-máydá Qaraózek rayoniniń Qarabuǵa awılında tuwılǵan. Qaraqalpaq mámleketlik pedagogikalıq institutın pitkergennen soń, «Qaraqalpaqstan» baspasınıń bólim baslıǵı, Respublikalıq Jazıwshılar awqamınıń juwaplı xatkeri, «Amiwdáryà» jurnalınıń bas redaktorı, Qaraqalpaqstan Málimleme agentliginde aǵa redaktor lawazımında isleydi. T. Qabulov 1976-jıldan Jazıwshılar awqamınıń
aǵzası boldı.
Qabulovtıń dóretiwshilik jılı 60-jıllardan baslanıp, lirikalıq qosıqlàr jazıw menen birge lirik-epikalıq janrda bir qatar balladalar, poemalar, balalar ushın ertek poemalar dóretti. Shayırdıń «Qarabuǵa» (1964), «Ashıǵıńman» (1968), «Diydar» (1972), «Patulla zir» (1974), «Sen tuwılǵan aqshamı» (1981), «Sen meni qutlıqla» (1989), «Pándiw-násiyat» (1995) sıyaqlı qosiqlar toplamları qaraqalpaq tilinde jarıq kórdi. Shayır óziniń pútkil dóretiwshilik táǵdirin qosıq penen baylanıstıradı hám bunı «Diydar» degen qosıǵındà «Diydar eåsip deydi, nesip etkey, Nesiybemdi meyli qosıq etkey» dep, óziniń ırısqı-nesiybesin qosıqtàn izlegen lirikalıq qaharmannıń kelbeti kórinip turadı. Shayirdıń lirikalıq qosıqlarınıń ideya-tematikası toplamnan toplamǵa ótken sayın bayıp, rawajlanıp barǵanlıǵın ańlaymız. «Sen meni qutlıqla» toplamına kirgen «Juwapkershilik» qosıǵında shayır xalqımızdıń bir perzenti sıpatında aldına qoyǵan azamatlıq wazıypasın durıs sezedi hám óz oqıwshısın da hárbir iske juwapkershilik penen qarawǵa saqıradı: Shayırdıń sońǵı jılları jazılǵan «Pándiw-násiyat» qosıqlàr toplamınıń atınan kórinip turǵanınday-aq, bul toplamǵa shayırdıń tálim-tárbiyalıq áhmiyetke iye birneshe lirikalıq qosıqları kirgizilgen.
