U (latın)
U háribi kóbinese sózdiń dáslepki buwınında jazıladı: usta, uyqı, uya, ultaraq, ullı, ul, qurılıs, bulaq, qudıq, qulın t.b. Al, ayırım jaǵdaylarda maqul, maqluq, bárqulla sıyaqlı sózlerdiń ekinshi buwınında sonday-aq, eki sózdiń birigiwinen jasalǵan adam atlarında úshinshi buwında da jazıladı: Aytmurat, Dáwletmurat, Ázizmurat.
Al, universitet, institut, galstuk, ustav, jurnal, fartuk, cirkul sıyaqlı ózlestirme sózlerde sozılıńqı aytıladı. Bul aytılǵan eki jaǵdayda da U háribi jazıladı.[1]
1. Qaraqalpaq álipbesiniń jigirma altınshı háribi (kirilde) hám sol háriptiń jazılıw tańbası. 2. U háribi qulın, julın, juldız, qundız sózlerinde til artı qısqa aytılatuǵın dawıslı sesti bildirse, kommunizm, fizkultura sıyaqlılarda sozılıńqırap aytıladı, yaǵnıy bul eki jaǵdayda da U háribi jazıladı. [2]