Volfiya

Bir tuqımlı, màwsimli ósimlikler klası shańaraǵı volfiya gruppasına tiyisli ósimlikler dunyadaǵı eń kishi gúlli ósimlik túri bolıp, óz-ózinen olardıń gúlleri de dunyadaǵı eń kishi gúl esaplanadı. Búgingi kúnde Volfiyanıń jer júzinde 11túri bar.Túrdiń atı nemis botanigi hám entomologi Yoxan Volf húrmetine atalǵan.

Volfiyalar suw maydanında júzip júretuǵın jasıl, sarǵısh-jasıl ellips formadındaǵı diametri 1 mm keletuǵın plastinkalardan ibarat ósimlikler bolıp tabıladı.Olardıń tamırı joq.Bir dana ósimliktiń massası 150 mikrogramm.Volfiyalar óz quramında kóp muǵdarda belok saqlawı menen sobıqlılarǵa teń keledi.Sol sebepli olardı akvariumda balıqlar azıǵı ushın kóbeytiw keń jolǵa kóbeytiw keń jolǵa qoyılǵan.Qurǵaqlay massasında 44% uglevod, 20% belok, 5% may, vitaminlerden A,B2,B6,C hám PP bar.Volfiyanı tek balıqlar emes adamlar da tutınadı.