WikiStipendiya
Joybar betin kóriw ushın Wikipediya: WikiStipendia marafonı hám Wikipediya: Wikipedia:WikipStipendia II marafonı betlerine ótiń
WikiStipendiya - Ózbekshe Wikipediyadaǵı kontentti jaqsılawǵa qaratılǵan wiki joybar. Joybar Ózbekstan Respublikası Jaslar isleri agentligi tárepinen Ózbekstan informaciya hám ǵalaba xabar kommunikaciyalar agentligi, Jas dóretiwshiler keńesi hámde Ózbek tilinde sáwbetlesiwshi wikipediyashılar paydalanıwshı toparı menen sheriklikte shólkemlestirildi[1].
Joybardıń atı "wiki" hámde "stipendiya" sózleriniń birlespesi esaplanadı. Joybar ózbekshe Wikipediyada maǵlıwmatlar muǵdarın asırıwǵa qaratılǵan bolıp, onda tek ǵana studentler, bálki qálegen shaxs qatnasıwı múmkin[2]. Joybardıń jáne bir maqseti ózbek tilindegi wikilarda korrektorlar sanın kóbeytiw esaplanadı.
Tariyxı[redaktorlaw | derekti jańalaw]
WikiStipendiya ǵalaba xabar quralları konferenciyası WikiStipendiya Ózbekstan Prezidenti Shavkat Mirziyoyev 2019-jılda ózbek tili Internette múnásip orındı iyelewin támiyinlew boyınsha shıǵarǵan pármanı tiykarında jolǵa qoyıldı. Jaslar isleri agentligi iri sıylıqlar qorına iye wiki-marafondı jolǵa qoyıwǵa qarar qıldı hámde Informaciya hám ǵalaba xabar kommunikaciyalar agentligi hámde Jas dóretiwshiler keńesi menen sheriklikte jolǵa qoydı. Aradan kóp ótpey, Ózbek tilinde sáwbetlesiwshi wikimediashılar paydalanıwshı toparı joybardı tolıq qollawǵa qarar qıldı. 2022-jıldıń 13-may kúni Tashkent qalasında wiki-marafon haqqında jámiyetshilikke xabar tarqatıw maqsetinde ǵalaba xabar quralları konferenciyası ótkerildi[3]. WikiStipendiya studentler arasında hám keń jámiyetshilikte úlken qızıǵıw oyattı, bir neshe baspada marafon haqqında maqala basıp shıǵarıldı[4][5]. Marafon 20-may kúni rásmiy ashılıwǵa shekem marafonnıń rásmiy Telegram kanalına 15 mıńǵa jaqın insan aǵza boldı.
2022-jıldıń 14-may kúni Tashkent qalasında jańa paydalanıwshılar ushın uqıp sabaǵı shólkemlestirildi. Sonıń menen bir qatarda tálim mákemeleri xizmetkerleri menen bólek sessiya ótkerilip, olarǵa marafon hámde Wikipediya:Tálim dásturi haqqında maǵlıwmat berildi.
Marafon rásmiy baslanıwınan aldın Jaslar isleri agentligi qollap-quwatlawı menen 12 videodan ibarat video qollanba jazıp alındı hámde ózbekshe Wikipediyanıń You Tobe kanalına júklendi.
Metodologiyası[redaktorlaw | derekti jańalaw]
WikiStipediya 2022-jıldıń 20-may ayınan 2022-jıldıń 20-dekabrine shekem dawam etetuǵın wiki-marafon shólkemlestirildi. Qatnasıwshılar keminde 15 jasqa tolǵan bolıwı kerek hámde ózleriniń qızıqtırǵan qálegen temada kontent jaratıwı múmkin[6]. Sonday bolsa da altı keń jóneliste maqala jaratıw usınıs etildi ( tábiyiy pánler hám tábiyat tanıwshılıq, tariyx, mádeniyat hám kórkem-óner, fılosofiya, texnika hám texnologiyalar, insan hám jámiyet, oyınlar hám sport, geografiya).Paydalanıwshılar temanı tańlawı ańsat bolıwı ushın jaratılmaǵan maqalalar dizimi dúzilip shıǵıldı[7]. Eń belsendi paydalanıwshılardı bir mártelik stipendiya menen sıylıqlaw ushın 320 million sómǵa jaqın qarjı ajıratıldı[8]. Ózbek tilinde sáwbetlesiwshi wikimediashı paydalanıwshılar toparınıń belsendi aǵzaları marafon qatnasıwshıları qosqan úlesin bahalaw waziypasın óz moynına aldı.
Derekler[redaktorlaw | derekti jańalaw]
- ↑ „"Wiki-стипендия" марафони эълон қилинди“. Sof (16-may 2022-yil). Qaraldı: 20-may 2022-yil.
- ↑ „Активные редакторы узбекской Википедии смогут получить до 50 млн сумов“. Gazeta (13-may 2022-yil). Qaraldı: 20-may 2022-yil.
- ↑ „WikiStipendiya marafoniga start berildi“. Youth Affairs Agency (14-may 2022-yil). Qaraldı: 20-may 2022-yil.
- ↑ , arxivsáne= parametri de kórsetiliwi tiyis. „WikiStipendiya marafoni yoʻlga qoʻyildi.“. Namangan Engineering Construction Institute (11-may 2022-yil). Qaraldı: 20-may 2022-yil.
- ↑ „Диққат! Эндиликда айрим ёшларга 50 млн сўмгача пул берилади“. Oin (15-may 2022-yil). Qaraldı: 20-may 2022-yil.
- ↑ „Активные редакторы узбекской Википедии получат до 50 млн сумов“. Spot (13-may 2022-yil). Qaraldı: 20-may 2022-yil.
- ↑ „Марафон WikiStipendiya“. Samarkandskiy vestnik (16-may 2022-yil). Qaraldı: 20-may 2022-yil.
- ↑ „Ózbekstan Respublikası Jaslar isleri agentligi hám de Informaciya hám ǵalabalıq kommunikatsiyalar agentligi tárepinen WikiStipendiya marafoni jolǵa qoyıldı . Ulıwma Sıylıq fondı 320 million sóm“. Oliygoh (14-may 2022-jıl). Qaraldı: 20-may 2022-jıl.