Wikipedia:Qaraqalpaqsha Wikipedianıń negizgi tili — qaraqalpaq tili
 | Bul bet házirgi waqıtta redaktorlanbaqta. Tez arada onı jaqsı kóriniske alıp keliwge háreket etemen. -- Ajiniyaz Nurniyazov 10:20, 2023 j. apreldiń 25 (UTC) |
 | Bul bet Qaraqalpaqsha Wikipedia qaǵıydalarınıń bir bólegi bolıp esaplanadı. Barlıq paydalanıwshılar usı qaǵıydalarǵa boysınıp háreket etiwi tiyis. Bul betti ózgertiwden aldın basqa paydalanıwshılar menen oylasıw usınıs etiledi. |
Wikipedianıń qaraqalpaq tilindegi bólimi Qaraqalpaqsha Wikipedia dep ataladı. Qaraqalpaqsha Wikipedianıń negizgi, birden-bir tili – qaraqalpaq tili. Qaraqalpaqsha Wikipedia házirshe tek latın jazıwına tiykarlanǵan qaraqalpaq álipbesi negizinde alıp barıladı.
Qaraqalpaqsha Wikipediadanıń húkimet hám siyasat penen tikkeley baylanısı joq. Eger jergilikli húkimet Qaraqalpaqsha Wikipedianı rawajlandırıw ushın belgili bir qarar hám nızamlar qabıllasa yamasa joybarlar islep shıqsa, bul jaǵday Qaraqalpaqsha Wikipedia hám jergilikli húkimet ortasındaǵı janapay baylanıs dep esaplanadı. Mámleketlik til haqqındaǵı nızamlarda kórsetilgen basqa til(ler)diń Qaraqalpaqsha Wikipediaǵa tásiri joq bolıp, Qaraqalpaqsha Wikipedia tek ǵana qaraqalpaq tilin moyınlaydı. Usılardan kelip shıǵıp, Qaraqalpaqsha Wikipediada basqa tilde jazılǵan maqalalarǵa, túsindirme betlerine, kategoriyalarǵa, joybar hám portal betlerine orın joq. Tek úlgi hám module betleriniń atları hám quramı, jáne siltemeler hám derekler bul qaǵıydadan tısqarı bolıp tabıladı.
Solay etip, tómendegi kórinistegi betler qaraqalpaqsha Wikipediadan jıldam túrde óshiriledi:
- Kirill jazıwına tiykarlanǵan qaraqalpaq álipbesinde jazılǵan betler
- Basqa tilde jazılǵan betler (*)
(*) - úlgi hám module betleriniń atları hám quramı, taǵı silteme hám derekler bul qaǵıydadan tısqarı