Xalimov Alımjan
| Xalimov Alımjan | |
|---|---|
| Tuwılǵan sánesi | 30-may 1912-jılı |
| Tuwılǵan jeri | Buxara,Buxara ámirligi |
| Qaytıs bolǵan sánesi | 12-iyul 1984-jılı (72 jasta) |
| Milleti | ózbek |
| Kásibi | Kompozitor, dirijyor,muzıka muǵallimi |
Xalimov Alımjan (1912-jıl 30-may, Buxara – 1984-jıl 12-iyun) – ózbek-sovet kompozitorı, dirijyor, muzıka oqıtıwshısı.Qaraqalpaqstan ASSRda xızmet kórsetken artist. Ózbekstan SSR xalıq artisti (1957-jıl ). Qaraqalpaqstan ASSR xalıq artisti. Berdaq atındaǵı Qaraqalpaqstan ASSR mámleketlik sıylıǵı laureatı (1967-jıl )[1].
Ómiri
[redaktorlaw | derekti redaktorlaw]Belgili xalıq qosıqshısı ustaz Halim Ibodovtıń balası. 1933-jılda Samarqand muzıka hám xoreografiya institutın, 1958-jılda Tashkent konservatoriyasın tamamlaǵan. G. A. Mushel shákirti. 1933-jılda Tashkent teatrında girjekshi bolıp islegen.
1934—1941-jıllarda ol Moskva konservatoriyası qasındaǵı milliy opera studiyasınıń dirijyorlıq hám xor fakultetinde oqıǵan hám bir waqıttıń ózinde professor G. I. Litinskiy klasında kompozitciyanı úyrengen.
1941—1968-jıllarda Tashkent, Ferǵana, Nókis teatrlarında dirijyor, muzıka ustazı, Nókis muzıka -xoreografiya bilim jurtında oqıtıwshı bolıp islegen.
1967—1977-jıllarda - Ózbekstan SSR Kompozitorlar awqamı Qaraqalpaqstan bólimi baslıǵı bolıp islegen.
Ol 150 ge jaqın qaraqalpaq xalıq qosıq hám namaların toplaǵan hám jazıp alǵan, olardıń kóbisi „Ózbek xalıq muzıkası“ (1959 -jıl ) baspasınıń 8-tomına kiritilgen.
Muzıkalıq shıǵarmaları
[redaktorlaw | derekti redaktorlaw]Onıń 40 tan artıq muzıkalı drama hám komediyalar barlıǵı Nókiste saxnalastırılǵan.
Súymegenge súykenbe (1945-jıl; 1956-jıl 2-baspa), Aral qızı (1947-jıll), Ámiwdárya (1948-jıl), Berdaq (1950-jıl; 1958-jıl 2-nashr), Begzad hádiysesi (1952-jıl), Jaylawda toy (1953-jıl), Dos júrekler (1966-jıl), Aqmaq patsha (1968-jıl).
Solistler, xor hám orkestr ushın:
Qaraqalpaqstan kantata (1958-jıl), Partiya haqqında (1959-jıl)[2], „Qırq qız“ vokal-simfonik poeması(1958-jıl).
Simfonik orkestr ushın siutalardilya, ózbek xalıq ásbapları orkestri ushın dóretpeler,
Qaraqalpaq hám ózbek shayırları tekstleri tiykarında jaratılǵan qosıqları:
„Nókisten sálem“
„Meniń respublikam“
„Adamlar baxtı“
Drama teatrı tamashaları ushın muzıkalar jazǵan[2].